الاياققا سەنگەن الماتى تۇرعىنى 83 ملن تەڭگەسىنەن ايىرىلىپ قالدى. پوليسيا كۇدىكتىنى ۇستادى.
ول تانىس ايەلگە ينۆەستيسيانى كوبەيتۋ ءۇشىن قوماقتى سومانى بەرگەن، دەپ حابارلايدى Almaty-akshamy.kz Polisia.kz-كە سىلتەمە جاساپ.
«ت.ەسىمدى ازاماتشا تانىستارىنا ج ش س ءبىرىنىڭ اتىنان ءىرى وتاندىق كومپانيالاردىڭ بىرىنە سالىمدار – ينۆەستيسيا ارقىلى قوسالقى بولشەكتەردى جەتكىزۋگە كەلىسىمشارت جاساپ جاتقانىن ايتتى. ءبىراق ەڭ قىزىعى كومپانياعا بۇل سالىم قاجەت ەمەس ەدى. قازىرگى ۋاقىتتا ءبىزدىڭ بولىمشەگە وسىنداي الاياقتىق تۋرالى ارىزبەن 9 ادام جۇگىندى. الدىن الا مالىمەت بويىنشا، ت.ەسىمدى ازاماتشا دەلدال رەتىندە 10 ميلليوننان 20 ميلليون تەڭگەگە دەيىن الدىن الا تولەم العان، ال جابىرلەنۋشىلەردىڭ بىرىنەن 83 ميلليون تەڭگەنى الىپ العان. كۇدىكتى ۇستالدى. ول – الماتى وبلىسىنىڭ تۇرعىنى. وسى ەپيزودتاردىڭ بارلىعى ءبىر وندىرىسكە بىرىكتىرىلىپ، سوتقا دەيىنگى تەرگەۋدىڭ ءبىرىڭعاي تىزىلىمىندە قىلمىستىق ءىس قوزعالدى»، – دەدى بوستاندىق اۋداندىق پوليسيا باسقارماسىنىڭ باستىعى ماقسات قاناپيايەۆ.
ءتارتىپ ساقشىلارى الدانعانداردىڭ ءالى دە كوپ بولۋى مۇمكىن ەكەنىن جوققا شىعارمايدى. كۇدىكتىنى تانىعان جاعدايدا پوليسيا كورسەتىلگەن نومىرلەرگە حابارلاسۋدى سۇرايدى: 8-701-233-47-90؛ 8-747-700-00-72 جانە 8-778-677-67-65.