19 قازان - قۇتقارۋشىلاردىڭ كاسىبي مەرەكەسى
2021 جىلعى 19 قازان كۇنى ازاماتتىق قورعاۋ ورگاندارىنا 26 جىل تولادى، وسىعان وراي الماتى وبلىسى توتەنشە جاعدايلار دەپارتامەنتى ءبىرقاتار سالتاناتتى ءىس-شارالار وتكىزدى، دەپ حابارلايدى Almaty-akshamy.kz الماتى وبلىسى تجد باسپا ءسوز قىزمەتىنە سىلتەمە جاساپ.
بۇگىن قازاقستاننىڭ تج الدىن الۋ جانە جويۋ جۇيەسىنە 26 جىل تولدى. قۇتقارۋشىلار كۇنى - بۇل ناعىز باتىرلاردىڭ مەرەكەسى، قانداي دا ءبىر تابيعي اپات سالدارىنان قيىنشىلىققا تاپ بولعان ازاماتتاردى قۇتقارۋعا اسىعاتىن قىزمەتكەرلەردىڭ ءبارىنىڭ مەرەكەسى. قۇتقارۋشىلاردىڭ قىزمەتى ەرەكشە، ول كاسىبي بورىشىن ورىنداۋ كەزىندە ءوز ءومىرى ءۇشىن تاۋەكەلدەرمەن ۇشتاسادى. قۇتقارۋشى بولۋ ءۇشىن تەوريالىق جانە پراكتيكالىق بازانى جاقسى مەڭگەرۋ، كەز كەلگەن توتەنشە جاعدايلارعا دايىن بولۋ قاجەت. جاسىراتىنى جوق، كەيدە ولار مىڭداعان ادامداردىڭ ءومىرىن ساقتاپ قالۋ ءۇشىن ءوز ومىرلەرىن بەرەدى. ولاردى ءبىزدىڭ زامانىمىزدىڭ باتىرلارى دەپ اتاۋعا بولادى.
وتكەن جىلدار ىشىندە قۇتقارۋشىلار ءارتۇرلى نىساندارداعى ادامداردى ورتتەن جانە ءتۇرلى اپاتتاردان قۇتقارۋ جونىندەگى يگى ىستە وزدەرىنىڭ جوعارى كاسىبيلىگىن بىرنەشە رەت كورسەتتى. كۇن سايىن ولار لايىقتى قىزمەت اتقارادى، وسى ادامداردىڭ ارقاسىندا توتەنشە جاعدايعا تاپ بولعان ادامدار ءۇشىن جاڭا كۇن كەلەدى.
2021 جىلعى 19 قازان كۇنى ازاماتتىق قورعاۋ ورگاندارىنا 26 جىل تولدى، وسىعان وراي الماتى وبلىسى توتەنشە جاعدايلار دەپارتامەنتى ءبىرقاتار سالتاناتتى ءىس-شارالار وتكىزدى. وسى كۇنى جەكە قۇرامدى سالتاناتتى تۇردە قۇرۋدان جانە ازاماتتىق قورعاۋ ورگاندارىنا جاڭادان قابىلدانعان جاس قىزمەتكەرلەردىڭ انت قابىلداۋىنىڭ سالتاناتتى راسىمدەرىن وتكىزۋدەن باستالدى. سودان كەيىن قىزمەتتىك بورىشىن ورىنداۋ كەزىندە قازا تاپقان قىزمەتكەرلەردىڭ ەسكەرتكىشىنە گۇل شوقتارىن قويۋ ءراسىمى ءوتتى.
وسكەلەڭ ۇرپاقتىڭ ءومىر قاۋىپسىزدىگى مادەنيەتىن قالىپتاستىرۋ، سونداي-اق توتەنشە جاعدايلار مەن ادام ءولىمىنىڭ الدىن الۋ ماقساتىندا جاڭا شاعىن اۋدانداعى كوپ پاتەرلى ۇيلەر، ءبىرىنىڭ قاسبەتىندە ءورت سوندىرۋشىلەر مەن قۇتقارۋشىلارعا ارنالعان مۋرالدىڭ سالتاناتتى اشىلۋى ءوتتى، وعان الماتى وبلىسى اكىمىنىڭ ءبىرىنشى ورىنباسارى، ازاماتتىق قورعاۋ جۇيەسىنىڭ ارداگەرلەرى، دەپارتامەنتتىڭ جەكە قۇرامى جانە ب ا ق وكىلدەرى قاتىستى. مۋرالدىڭ اشىلۋ سالتاناتىندا الماتى وبلىسى اكىمىنىڭ ءبىرىنشى ورىنباسارى ل. م. تۇرلاشوۆ، الماتى وبلىسى تجد باستىعى ا. ت. تويشىبەكوۆ جانە «توتەنشە جاعدايلار ورگاندارىنىڭ قازاقستاندىق ارداگەرلەر ۇيىمى» قب الماتى وبلىسى بويىنشا فيليالىنىڭ ءتوراعاسى ن. ب. قويشىبايەۆ قۇتتىقتاۋ ءسوز سويلەدى.
كاسىبي مەرەكە – قۇتقارۋشىلار كۇنىن مەرەكەلەۋگە ارنالعان ءىس-شارا وقۋشىلار سارايىندا جالعاستى، وندا ازاماتتىق قورعاۋ ورگاندارىنىڭ ارداگەرلەرى، دەپارتامەنت جانە ونىڭ اۋماقتىق بولىمشەلەرىنىڭ قىزمەتكەرلەرى ءۇشىن مەرەكەلىك كونسەرت ءوتتى. الماتى وبلىسى اكىمىنىڭ ءبىرىنشى ورىنباسارى ل.تۇرلاشوۆ جانە الماتى وبلىسى تجد باستىعى ا. تويچۋبەكوۆ قۇتتىقتاۋ ءسوز سويلەدى.
قۇتقارۋشىلار كۇنىنە ارنالعان سالتاناتتى ءىس-شارادا ورتتەردە جانە باسقا دا توتەنشە جاعدايلاردا قاۋىپسىزدىكتى قامتاماسىز ەتۋ جانە ادامداردىڭ قازا بولۋىن الدىن الۋ بويىنشا جۇمىستارعا ەلەۋلى ۇلەس قوسقان دەپارتامەنت قىزمەتكەرلەرى الماتى وبلىسى اكىمىنىڭ جانە ق ر توتەنشە جاعدايلار ءمينيسترىنىڭ ۆەدومستۆولىق مەدالدارىمەن جانە قۇرمەت گراموتالارىمەن ماراپاتتالدى. شارا سوڭىندا قۇتقارۋشىلار كۇنىنە ارنالعان بەينەفيلم كورسەتىلدى.