الماتىدا قۇتقارۋشىلارعا ەسكەرتكىش قويىلدى

9 اي ىشىندە الماتى اۋماعىندا 800-دەن استام ادام قۇتقارىلعان

قۇتقارۋشىلار كۇنىنە وراي الماتىدا الماتى گارنيزونى تاريحىندا تجد قۇتقارۋشىلار اللەياسىندا العاشقى سكۆەر اشىلدى، دەپ حابارلايدى Almaty-akshamy.kz الماتى قالاسى ءتجد-نىڭ باسپا ءسوز قىزمەتىنە سىلتەمە جاساپ.

سكۆەر اۋماعىندا «قۇتقارۋشى» شاعىن ساۋلەتتىك فورماسى ورنالاسقان. بۇل - قولىندا بالاسى بار بيىكتىگى 2،5 م  قۇرايتىن جاۋىنگەر-قۇتقارۋشىنىڭ بەينەسى.

قۇتقارۋشى بولاتتان جاسالعان، ايقىن تىگىستەرمەن ورىندالعان، بۇل قازىرگى بەيبىت زامانعى رىساردى بەينەلەيدى،  قۇتقارۋشىلارعا جانە ءورت سوندىرۋشىلەرگە قۇرمەت كورسەتەدى.

مامىر ايىندا مۇندا بىرنەشە جۇزدەگەن بۇتالار مەن اعاشتار وتىرعىزىلدى. كوشەتتەرگە جاسالعان كەشەندى كۇتىمگە قاراماستان، كەيبىرەۋلەرى تامىر المادى، ءبىراق ولاردىڭ بارلىعى قوسىمشا وتىرعىزىلدى.

«سكۆەردە كەلۋشىلەر ءۇشىن بارلىق قولايلى جاعدايلار جاسالعان – كوگالدار وتىرعىزىلدى، جاياۋ جۇرگىنشى جولدارى، تاقىرىپتىق ورىندىقتار ورنالاستىرىلعان. ەپيدەميولوگيالىق جاعدايىندا ازاماتتىق قورعاۋ ورگاندارى ءبىزدىڭ ازاماتتارىمىزدىڭ قاۋىپسىزدىگىن قامتاماسىز ەتۋ بويىنشا قىزمەت اتقارۋدا»، - دەلىنگەن حابارلامادا.

كۇن سايىن تج-عا جەدەل دەن قويۋ ءۇشىن 200-دەن استام ادام، 80-نەن استام تەحنيكا جانە 3 اۋە بورتى كەزەكشىلىككە شىعۋعا دايىن. 109 قۇتقارۋشى 700-دەن استام ادامدى قۇتقاردى.

اعىمداعى جىلدىڭ 9 ايىندا الماتىلىق قۇتقارۋشىلار 182 ادامنىڭ ءومىرىن ساقتاپ قالدى، اپاتتىق-قۇتقارۋ جانە كەزەك كۇتتىرمەيتىن جۇمىستارعا 2،7 مىڭ شىعۋ جۇزەگە اسىرىلدى. الماتى قالاسىنىڭ اكىمدىگىنىڭ 109 قۇتقارۋ قىزمەتى 700-دەن استام ادامدى قۇتقاردى.