اڭشى مىلتىعىن كەزەنگەن ەر ادام دۇكەننەن ىشىمدىك تالاپ ەتكەن
الماتى وبلىسىندا ەر ادام سىرا دۇكەنىنە قارۋمەن شابۋىل جاسادى، – دەپ حابارلايدى Polisia.kz.
26 قاراشا كۇنى قاراساي اۋداندىق پوليسيا بولىمىنە المالىباق كەنتىنىڭ دۇكەندەرىنىڭ بىرىنە قارۋلى شابۋىل جاسالعانى تۋرالى حابارلاما كەلىپ ءتۇستى. قوڭىراۋعا جەتكەن جەدەل-تەرگەۋ توبى شىنىمەن قارۋلانعان ەر ادامنىڭ سىرا قۇيۋ دۇكەنىنە كىرىپ، اڭشى مىلتىعىمەن ساتۋشىنى قورقىتىپ، ىشىمدىك تالاپ ەتكەنىن انىقتادى، دەپ حابارلايدى Almaty-akshamy.kz Policia.kz سايتىنا سىلتەمە جاساپ.
دۇكەن قىزمەتكەرلەرى ءوز كۇشتەرىمەن ءتارتىپ بۇزۋشى 54 جاستاعى جەرگىلىكتى تۇرعىندى ۇستاعان. بۇزاقىنى ۇستاۋ كەزىندە مىلتىقتان وزدىگىنەن وق اتىلىپ، قابىرعاعا تيگەن. وقيعاعا قاتىسۋشىلاردىڭ ەشبىرى زارداپ شەككەن جوق.
ماساڭ كۇيدەگى ەر ادامنىڭ بۇرىن سىرا دۇكەنىنە كىرىپ، ساتۋشىلاردىڭ بىرىمەن جانجالداسىپ قالعانى جانە كەيىن ول 12-كاليبرلى اڭشىلىق مىلتىقپەن قارۋلانىپ، دۇكەنگە قايتا ورالىپ، سىرا تالاپ ەتكەنى بەلگىلى بولدى. جانجال كەزىندە ساتۋشى كەلۋشىنى زالالسىزداندىرىپ، سودان كەيىن پوليسيا شاقىرعان.
دەرەك ق ر قك-نىڭ 293-بابى 3-بولىگىنىڭ 2-تارماعى بويىنشا تىركەلدى. قارۋ تاركىلەنىپ، زاتتاي دالەل رەتىندە قىلمىستىق ىسكە تىركەلدى. وزگە اقپارات، ق ر قىجك-نىڭ 201-بابىنا سايكەس، تەرگەۋ مۇددەسىنە ساي جاريا ەتىلمەيدى.