كەلتىرىلگەن شىعىننىڭ جالپى كولەمى 7،375 ملن تەڭگە.
الماتى وبلىسىندا پوليسيا بىرنەشە رەت الاياقتىق جاسادى دەگەن كۇدىكپەن 27 جاستاعى ەر ادامدى قولعا ءتۇسىردى، – دەپ حابارلايدى aqshamnews.kz Polisia.kz-كە سىلتەمە جاساپ.
جامبىل اۋدانىندا جەدەل ۋاكىلدەر جۇرگىزگەن جەدەل ءىس-شارالار ناتيجەسىندە كۇدىكتى ۋاقىتشا ۇستاۋ يزولياتورىنا قامالدى. قازىرگى ۋاقىتتا وعان قاتىستى الاياقتىق فاكتىسى بويىنشا سوتقا دەيىنگى تەرگەۋ امالدارى جۇرگىزىلۋدە. ۇزىناعاش اۋىلىنىڭ تۇرعىنى بەلگىسىز ادامنىڭ پاتەر ساتىپ الۋعا كومەكتەسۋگە ۋادە بەرىپ، ودان 2، 150 ملن تەڭگە كولەمىندە اقشا العانىن مالىمدەگەن. تەرگەۋ بارىسىندا كۇدىكتىنىڭ تاعى ەكى ازاماتتى الداپ، ولارعا دا پاتەر جانە جەر ۋچاسكەسىن ساتىپ الۋعا ۋادە بەرگەنى انىقتالدى. ءسويتىپ، ول جالپى سوماسى 5 ميلليون تەڭگەدەن استام قاراجاتتى جىمقىرعان. كەلتىرىلگەن شىعىننىڭ جالپى كولەمى 7،375 ملن تەڭگەنى قۇرادى.
«قازىرگى ۋاقىتتا كۇدىكتىنىڭ باسقا دا وسىعان ۇقساس قىلمىستارعا قاتىسى بار-جوعىن انىقتاۋ ماقساتىندا تەكسەرۋ جۇمىستارى جالعاسۋدا. ءتارتىپ ساقشىلارى تۇرعىنداردى كەز-كەلگەن مامىلە جاساۋ كەزىندە مۇقيات ءارى ساق بولۋعا شاقىرادى»،-دەدى جامبىل اۋداندىق پوليسيا ءبولىمىنىڭ باستىعى اسحات دانيار.