الماتىدا “ءقاۋىپسىز جول” رەسپۋبليكالىق جەدەل الدىن الۋ ءىس-شاراسى باستالدى.
قالا جولدارىندا اپاتتى جاعدايدى تۇراقتاندىرۋ ماقساتىندا جول-كولىك وقيعالارىنىڭ الدىن الۋ جانە بولدىرماۋ بويىنشا ءبىرقاتار شارالار اتقارىلدى، دەپ حابارلايدى aqshamnews.kz Polisia.kz-كە سىلتەمە جاساپ.
قالاداعى جازاتايىم وقيعالاردىڭ جاي-كۇيىنە كولىكتەردىڭ بالامالى تۇرلەرىنىڭ: موپەدتەر مەن ەلەكترساموكاتتاردىڭ تانىمال بولۋى اسەر ەتەدى.
– تالداۋ كورسەتكەندەي، جىل باسىنان بەرى موپەدتىڭ قاتىسۋىمەن 930 جول-كولىك وقيعاسى تىركەلدى، سونىڭ سالدارىنان 953 ادام زارداپ شەكتى، تاعى 15 ادام قازا تاپتى. ال قالادا ساموكاتتاردىڭ قاتىسۋىمەن 127 جكو بولدى. 133 ادام زارداپ شەكتى، ابىروي بولعاندا، قازا تاپقاندار جوق. سونداي-اق جىل باسىنان بەرى جول قوزعالىسى ەرەجەسىن بۇزعانى ءۇشىن 31894 موپەديست پەن 28 مىڭ 762 ساموكات پايدالانۋشىسى اكىمشىلىك جاۋاپكەرشىلىككە تارتىلدى. مامانداندىرىلعان ايىپپۇل تۇراعىنا 1800-دەن استام موپەد قويىلدى، – دەدى الماتى قالالىق پد جەرگىلىكتى پوليسيا قىزمەتى باسقارماسى باستىعىنىڭ ورىنباسارى تيمۋر نوعايبايەۆ.