قورقىت اتا اتىنداعى قىزىلوردا ۋنيۆەرسيتەتىنىڭ جاساندى ينتەللەكت ينستيتۋتىندا وقىتۋشىلارعا ارنالعان جازعى مەكتەپ ءوتتى. باسقارما مۇشەسى، ءىت جانە ستراتەگيالىق جوسپارلاۋ جونىندەگى پرورەكتور ماحمۋد تومانوۆ، جاساندى ينتەللەكت ينستيتۋتىنىڭ ديرەكتورى نۇرلان قۇلمىرزايەۆ جانە IT ماماندار جازعى مەكتەپتى جۇرگىزدى، دەپ حابارلايدى اlmaty-akshamy.kz.
وقىتۋشىلاردىڭ بىلىكتىلىگىن ارتتىرۋ ماقساتىندا «جاساندى ينتەللەكت ارقىلى وقىتۋ ادىستەرىن دامىتۋ» تاقىرىبىندا بىلىكتىلىكتى ارتتىرۋ كۋرسى ۇيىمداستىرىلدى. كۋرستىڭ العاشقى كۇنىن Microsoft اق-نىڭ تمد ەلدەرىندە ءبىلىم بەرۋدى دامىتۋ ءبولىمىنىڭ باسشىسى دانيار جۇمابەكوۆ ارنايى شاقىرىلىپ، «قورقىت اتا ۋنيۆەرسيتەتىندەگى سيفرلىق ترانسفورماسيا: Microsoft AI ارقىلى جاڭا مۇمكىندىكتەرگە جول اشىڭىز» تاقىرىبىندا سەمينار وتكىزدى.
كۋرس ماقساتى – جاساندى ينتەللەكت نەگىزگى ۇعىمدارىمەن جانە ادىستەرىمەن تانىستىرۋ، ءبىلىم بەرۋدە AI قولدانۋدىڭ ەتيكالىق اسپەكتىلەرىن زەرتتەۋ، وقۋ ۇدەرىسىن جاقسارتۋ ءۇشىن AI اگەنتتەرى مەن دەرەكتەردى تالداۋ قۇرالدارىن پايدالانۋ داعدىلارىن دامىتۋ.
ءبىلىم ورداسىنىڭ 200-گە جۋىق پروفەسسور-وقىتۋشىلارى 72 ساعات بويى تەوريالىق جانە پراكتيكالىق ءبىلىم الىپ، AI نەگىزگى تۇسىنىكتەرى مەن ادىستەرى، ماشينالىق وقىتۋ، تەرەڭدەتىپ وقىتۋ، تابيعي ءتىلدى وڭدەۋ، كومپيۋتەرلىك كورۋ جانە گەنەراتيۆتى AI-دى ءبىلىم بەرۋ ۇدەرىسىندە قولدانۋ ادىستەرىن مەڭگەردى.
وزىندىك جۇمىس ساعاتىندا حاتتاردى قۇراستىرۋ، حالىقارالىق سەرىكتەستەردى ىزدەۋ، حاتتار مەن وتىنىمدەردى دايىنداۋدى اۆتوماتتاندىرۋ، ماقساتتى باعدارلامالىق قارجىلاندىرۋ ازىرلەۋ جانە AI-اگەنتتى پايدالانۋ جوباسىن ازىرلەۋ داعدىلارىن ۇيرەندى. كۋرس ۇيىمداستىرۋشىلارى جي ناۆيگاتور 1.0 ادىستەمەلىك قۇرالىن وسى جازعى مەكتەپ بارىسىندا قاتىسۋشىلارعا پايدالانۋ ءۇشىن تابىس ەتتى. كۋرس سوڭىندا بارلىق قاتىسۋشىلارعا سەرتيفيكات تابىستالدى. جاساندى ينتەللەكت بويىنشا بىلىكتىلىكتى ارتتىرۋ كۋرستارى الداعى ۋاقىتتا دا وتكىزىلىپ تۇرادى.