اسا ءقاۋىپتى اۋرۋلاردىڭ 3 قولايسىز وشاعى تىركەلدى
الماتى وبلىسىنىڭ اۋماعىندا جانۋارلاردىڭ 16 ءتۇرلى اسا ءقاۋىپتى اۋرۋلارىنا قارسى ۆەتەريناريالىق-پروفيلاكتيكالىق شارالار جۇرگىزىلۋدە. بۇگىنگى كۇنگە دەيىن 5 556 093 باس مال ەگىلدى، دەپ حابارلايدى Almaty-akshamy.kz.
وبلىستىق ۆەتەريناريا باسقارماسىنىڭ باسشىسى نۇرتاس قيالبەكوۆتىڭ ايتۋىنشا، برۋسەللەز اۋرۋىنا 212 660 باس ءىرى قارا مەن 317 869 باس ۇساق مال زەرتتەلىپ، 229 باس ءىرى قارا مەن 72 باس ۇساق مالدان اۋرۋ انىقتالعان.
«جىل باسىنان جانۋارلاردىڭ اسا ءقاۋىپتى اۋرۋلاردىڭ 3 قولايسىز وشاعى تىركەلدى. ونىڭ ءبىرى ەڭبەكشىقازاقتا جانە جامبىل اۋدانىندا 2 وشاعى انىقتالدى. قازىرگى ۋاقىتتا، 1 وشاق ساۋىقتىرىلىپ، قالعان وشاقتاردا ساۋىقتىرۋ شارالارى جۇرگىزىلۋدە»،- دەدى نۇرتاس قيالبەكوۆ.
مامانداردىڭ سوزىنە سۇيەنسەك، اۋرۋعا شالدىققان مالدار قايتا وڭدەۋ ورىندارىنا سانيتارلىق سويۋعا وتكىزىلىپ، مال يەلەرىنە نارىقتاعى باعانىڭ 30 پايىزى كولەمىندە وتەماقى تولەندى.