ەكى ەل عالىمدارى ماتەماتيكا جانە ءومىر تۋرالى عىلىمدار سالاسىنداعى زەرتتەۋلەرگە باسا نازار اۋدارماق
قازاقستان جانە جۇڭگو عالىمدارى عىلىمدى جاستار اراسىندا ناسيحاتتاۋدى بىرلەسكەن زەرتتەۋ جوبالارى نەگىزىندە جۇرگىزبەك. ودان بولەك قازاقستاندىق عالىمدار ءۇشىن جۇڭگو ءبىلىم جانە عىلىم وردالارىندا ءبىلىم الۋ مۇمكىندىگى كەڭەيەدى، دەپ حابارلايدى Almaty-akshamy.kz.
بۇل تۋرالى قازاقستاننىڭ ۇلتتىق عىلىم اكادەمياسىنا ارنايى ىسساپارمەن كەلگەن جۇڭگو ۇلتتىق عىلىم اكادەمياسىنىڭ دەلەگاسياسىمەن كەزدەسۋ بارىسىندا ءمالىم بولدى.
ق ر ۇلتتىق عىلىم اكادەمياسىنىڭ پرەزيدەنتى كۇنسۇلۋ زاكاريا ەكى ەلدىڭ جوعارى وقۋ ورىندارى مەن عىلىمي اكادەميالارىنىڭ اراسىنداعى ىنتىماقتاستىقتى نىعايتۋ ماڭىزىن اتاپ ءوتتى.
"ءبىز عالىمداردىڭ حالىقارالىق قاتىناستى عىلىم ارقىلى دامىتۋداعى ۇمتىلىسىن ەرەكشە قولدايمىز. ق ر ۇلتتىق عىلىم اكادەمياسى جۇڭگو عىلىم اكادەمياسىمەن بىرلەسىپ زەرتتەۋ جوبالارىن قولعا الۋعا جانە وعان جاس عالىمداردى تارتۋعا دايىن"، - دەدى ك. زاكاريا.
ءوز كەزەگىندە جۇڭگو ۇعا ۆيسە-پرەزيدەنتى جانگ تاو قازاقستاندىق ارىپتەستەرىن اسپان استى ەلى اكادەمياسىنىڭ مۇشەسى اتانۋعا شاقىردى. سونىمەن قاتار جانگ مىرزا ق ر ۇعا دەلەگاسياسىن قىتايدا اسىعا كۇتەتىنىن جانە قازاقستان عالىمدارىن جۇڭگو عىلىمىنىڭ جەتىستىكتەرىمەن تانىستىرۋعا نيەتتى ەكەنىن جەتكىزدى.
ەكى ەل عالىمدارى ماتەماتيكا جانە ءومىر تۋرالى عىلىمدار سالاسىنداعى زەرتتەۋلەرگە باسا نازار اۋداراتىندىعىنا توقتالدى.