جولاۋشىلارعا جولاقىنى تولەۋ ىڭعايلى بولماق
الماتى مەتروپوليتەنىندە تۋرنيكەتتەردى جاڭارتۋ جۇمىستارى باستالدى: 2025 جىلدىڭ كۇزىنە قاراي جولاۋشىلار جولاقىنى تىكەلەي كىرەبەرىستە – Apple Pay، Google Pay نەمەسە Samsung Pay سەرۆيسى بار بانك كارتاسىن نەمەسە سمارتفوندى قۇرىلعىعا تيگىزۋ ارقىلى تولەي الادى.
بۇعان دەيىن بانك كارتاسىمەن كاسسا ارقىلى نەمەسە ارنايى ءبىر تۋرنيكەت ارقىلى عانا تولەۋگە بولاتىن. ەندى بارلىق بەكەتتەگى تۋرنيكەتتەر بايلانىسسىز تولەم جۇيەسىمەن جابدىقتالادى. بۇل جولاۋشىلاردىڭ ءوتۋ ۇدەرىسىن ەداۋىر جەدەلدەتىپ، جول ءجۇرۋدى الدەقايدا ىڭعايلى ەتەدى.
بۇل جاڭاشىلدىق كولىك كارتاسىن قولدانبايتىن نەمەسە جەتون ساتىپ الۋعا ۋاقىت جوعالتقىسى كەلمەيتىندەر ءۇشىن وتە قولايلى. ەندى كەزەكتە تۇرۋدىڭ قاجەتى جوق – تەك كارتاڭىز نەمەسە سمارتفونىڭىز بولسا جەتكىلىكتى.
ينفراقۇرىلىمدى جاڭارتۋ – قالالىق قوعامدىق كولىك ساپاسىن ارتتىرۋعا جانە جولاۋشىلاردىڭ، سونىڭ ىشىندە الماتىلىقتار مەن قالا قوناقتارىنىڭ جايلىلىعىن ارتتىرۋعا باعىتتالعان.