الماتىنىڭ يندۋستريالدى ايماعىندا ءۇش جاڭا وندىرىستىك كاسىپورىن جۇمىسىن باستادى
الماتىنىڭ يندۋستريالدى ايماعىندا ءۇش جاڭا ونەركاسىپتىك كاسىپورىن پايدالانۋعا بەرىلدى. باسپا ءسوز تۋرى بارىسىندا جۋرناليستەر رادياتورلار، كابەلدەر جانە كوسمەتيكالىق ونىمدەر شىعاراتىن كومپانيالاردىڭ قىزمەتىمەن تانىستى. بۇل وندىرىستەردى ىسكە قوسۋ الماتىنىڭ يندۋستريالاندىرۋ جانە وندىرىستىك الەۋەتىن دامىتۋ باعدارلاماسىن ىسكە اسىرۋداعى كەزەكتى قادام بولدى، دەپ حابارلايدى aqshamnews.kz
«Valtherm» ج ش س اليۋمينيي جانە بيمەتالل جىلىتۋ رادياتورلارىن شىعاراتىن زاۋىتقا سالىنعان ينۆەستيسيا كولەمى 10 ملرد تەڭگەدەن استى. بۇگىنگى تاڭدا زاۋىتتا بەس قۇيۋ ماشيناسى ورناتىلعان، كۇن سايىن 10 000-عا دەيىن رادياتور سەكسياسى شىعارىلادى. كومپانيانىڭ جوسپارىندا 12 قۇيۋ ماشيناسىنا دەيىن كەڭەيتۋ جانە ءوندىرىس كولەمىن جىلىنا 15 ميلليون سەكسياعا دەيىن ۇلعايتۋ بار. جوبا الماتى اكىمدىگىنىڭ بەلسەندى قولداۋىمەن، ونىڭ ىشىندە ينجەنەرلىك ينفراقۇرىلىمدى قوسۋ ماسەلەلەرى بويىنشا ىسكە اسىرىلۋدا.
«ءبىز قىتايدا 20 جىلدان استام رادياتور وندىرۋمەن اينالىسىپ كەلەمىز. ءقازىر بارلىق كەشەندى تاجىريبەنى قازاقستانعا كوشىرىپ، تولىققاندى ءوندىرىستى ىسكە قوستىق. ءبىز سىنىقتاردى جينايمىز، قايتا وڭدەيمىز جانە دايىن ونىمدەردى — رادياتورلاردى شىعارامىز. قازىرگى ۋاقىتتا كۇنىنە 10 000 سەكسيا شىعارامىز جانە ودان ءارى كەڭەيتۋدى جوسپارلاپ وتىرمىز»، — دەدى «Valtherm» ج ش س ينۆەستورى يۋەن سي.
كاسىپورىندا اۆتوموبيلگە ۇقساس انافورەزدى بوياۋ تەحنولوگياسى قولدانىلادى، ول بەرىكتىك پەن كورروزياعا قارسى قورعانىستى قامتاماسىز ەتەدى. بۇل تەحنولوگيا رادياتورلاردىڭ سىرتقى ءتۇرى مەن قاسيەتتەرىن 20 جىل بويى ساقتاۋعا مۇمكىندىك بەرەدى.
«بىزدە رەسەيدە، ءازىربايجاندا، ۋكراينادا كليەنتتەر بازاسى بار. بولاشاقتا الماتىدا جيىنتىقتاۋىشتار ءوندىرىسىن لوكاليزاسيالاۋدى جوسپارلاپ وتىرمىز. ءوندىرىستىڭ جاڭا تۇرلەرىن – گاز قازاندىقتارىن، پانەلدىك رادياتورلاردى، پروفيلدەردى جانە ت.ب. قۇرۋ ءۇشىن 3 گەكتارعا قوسىمشا سەح سالۋ جوسپاردا بار»، — دەپ تولىقتىردى «Valtherm» ج ش س باس ديرەكتورى ساين مۇسايەۆ.
2024 جىلعى جەلتوقساندا يندۋستريالىق ايماقتا كابەلدىك-وتكىزگىش ونىمدەرىن شىعارۋعا ماماندانعان «Harmony Cable» ج ش س كاسىپورنى جۇمىسىن باستادى. جوباعا سالىنعان ينۆەستيسيا كولەمى شامامەن 2 ملرد تەڭگەنى قۇرادى. ءوندىرىستى ىسكە قوسۋ ناتيجەسىندە 50 جۇمىس ورنى قۇرىلدى. قۋاتتىلىق ايىنا 100 تونناعا دەيىن مىس وڭدەۋگە جانە جىلىنا 8 ملرد تەڭگەدەن استام سوماعا 21 600 ملن مەترگە دەيىن كابەلدەر مەن سىمدار شىعارۋعا مۇمكىندىك بەرەدى.
بۇگىنگى تاڭدا كاسىپورىن قازاقستاندىق قۇرىلىس كومپانيالارىمەن جانە ەلەكتر تاۋارلارىن جەتكىزەتىن بولشەك ساۋدا ورىندارىمەن بەلسەندى جۇمىس ىستەيدى. ءونىمنىڭ نەگىزگى كولەمى ەل ىشىندە ساتىلادى، الايدا كومپانيا قىرعىزستان مەن تاجىكستانعا ەكسپورتتى جۇزەگە اسىرۋدا جانە ەۋروپا ەلدەرىنە جەتكىزىلىمدەردى كەڭەيتۋدى جوسپارلاپ وتىر.
«ءبىز بالقاشتان ساتىپ الىناتىن قازاقستاندىق مىستان كابەل شىعارامىز. قايتا وڭدەۋ كولەمى جىلىنا 1200 تونناعا جەتەدى. ءقازىر ءبىز كاتانكادان ءوز سىم ءوندىرۋ جەلىسىن ىسكە قوسىپ جاتىرمىز، سونداي — اق كابەلدەرگە ارنالعان پلاستيكات — وقشاۋلاعىش ماتەريال ءوندىرۋ قۋاتىن كەڭەيتىپ جاتىرمىز»، - دەدى «Harmony Cable» ج ش س كوممەرسيالىق ديرەكتورى ءمادي مۇحان ۇلى.
بۇگىندە قازاقستاننان مىس كوبىنەسە تۇركياعا، سول جەردەن ەۋروپاعا ەكسپورتتالادى. كومپانيانىڭ ماقساتى-ارالىق تىزبەكتەردى اينالىپ ءوتىپ، ەۋروپالىق نارىققا شىعۋ.
كوسمەتيكالىق ونىمدەر مەن تۇرمىستىق حيميا وندىرىسىنە ماماندانعان «Telli Ondiris» ج ش س زاۋىتى 2024 جىلدىڭ قاڭتار ايىنان باستاپ جۇمىس ىستەيدى. جوبانىڭ قۇنى 3 ملرد تەڭگەنى قۇرادى، ونىڭ 465 ملن تەڭگەسى — «الماتى قارجى» ج ش س كرەديتتىك قارجىلاندىرۋ. كاسىپورىن اۋماعىندا وندىرىستىك جانە قويما ءۇي-جايلارى، سونداي-اق اككرەديتتەلگەن زەرتحانا ورنالاسقان.
كوسمەتيكالىق وندىرىستە 49 جۇمىس ورنى قۇرىلدى. قۋاتتىلىق جىلىنا 30 ملن. بىرلىككە دەيىن ءونىم وندىرۋگە مۇمكىندىك بەرەدى. جۇمىستىڭ العاشقى 10 ايىندا 380 مىڭنان استام بىرلىك شىعارىلدى، ونىڭ ىشىندە سۋسابىندار، كونديسيونەر بالزامدارى، دۋشقا ارنالعان گەلدەر، سۇيىق سابىندار، لوسوندار، تونيكتەر جانە ميسەلليارلىق سۋ. ونىمدەر ءوز برەندتەرىمەن (Asiya، Telli، Asia Professional)، سونداي-اق ءىرى قازاقستاندىق ساتۋشىلار ءۇشىن كەلىسىمشارت بويىنشا وندىرىلەدى. زاۋىت جاڭا ەكسپورتتىق نارىقتارعا شىعۋعا مۇمكىندىك بەرەتىن GMP ستاندارتىنىڭ فارماسيەۆتيكالىق تالاپتارىنا سايكەس سالىنعان.
«ءبىز ءوزىمىزدى كەلىسىمشارتتىق ءوندىرىس رەتىندە ءورنالاستىرامىز-ونىمدى كليەنتتىڭ ءوز برەندىمەن شىعارامىز. سونىمەن قاتار، ءبىز ءوز برەندتەرىمىزدى دامىتامىز، ولاردىڭ قۇرامىندا 95% تابيعي كومپونەنتتەر بار. ءبىز جەرگىلىكتى شوپتەردى قولدانامىز، سىعىندىلاردى ءوز ەكستراكتورىمىزدا دايىندايمىز جانە جاقىن ارادا اۆتورلىق شيكىزاتقا پاتەنتتەردى راسىمدەۋدى جوسپارلاپ وتىرمىز»، — دەپ اتاپ ءوتتى «Telli Ondiris» ج ش س ديرەكتورىنىڭ ورىنباسارى جاننا بايماعامبەتوۆا.
باسپا ءسوز تۋرى بارىسىندا الماتىنىڭ يندۋستريالىق ايماعى رەسپۋبليكالىق ماڭىزى بار جەتەكشى وندىرىستىك الاڭداردىڭ ءبىرى بولىپ تابىلاتىنى اتاپ ءوتىلدى. ونىڭ اۋماعىندا جالپى سوماسى 142،1 ملرد. تەڭگەگە 41 جوبا ىسكە قوسىلىپ، 4 430 جۇمىس ورنى قۇرىلدى. ىسكە اسىرۋ ساتىسىندا 411،2 ملرد. تەڭگە سوماسىنا 66 جوبا بار، وندا 7 453 جۇمىس ورنى قۇرىلادى.
«ءبىز تۇراقتى دامۋ ديناميكاسىن جانە ينۆەستورلار تاراپىنان جوعارى قىزىعۋشىلىقتى بايقاپ وتىرمىز. يندۋستريالىق ايماقتا مەملەكەتتىك قاراجات ەسەبىنەن تولىق ينجەنەرلىك ينفراقۇرىلىم، سونداي — اق ىڭعايلى كولىك لوگيستيكاسى جانە ءوزىنىڭ تەمىرجول ستانسياسى بار»، - دەپ اتاپ ءوتتى «الماتىنىڭ يندۋستريالدى ايماعى» ج ش س باس مامانى دانا قالىقوۆا.
اعىمداعى جىلى الماتىنىڭ يندۋستريالدى ايماعىندا جالپى قۇنى 135،5 ملرد تەڭگە بولاتىن 2 662 جۇمىس ورنىن قۇرۋمەن 11 جوبانى ىسكە قوسۋ جوسپارلانعان. ولاردىڭ ىشىندە التى ءىرى كاسىپورىن، سونىڭ ىشىندە جەڭىل اۆتوموبيلدەر، بيوكورمالار، شىنى ىدىستار، ارماتۋرالىق تورلار جانە رەزەڭكە بۇيىمدار شىعاراتىن زاۋىتتار، سونداي-اق قالانىڭ وندىرىستىك سەكتورىنىڭ ودان ءارى دامۋىنا ىقپال ەتەتىن بەس شاعىن ونەركاسىپتىك ءوندىرىس بار.