الماتى مەتروسىنىڭ ستانسيالارىندا جولاۋشىلاردىڭ قاۋىپسىزدىگىن ارتتىرۋ ماقساتىندا ارنايى قورشاۋلار ورناتىلا باستادى، دەپ حابارلايدى aqshamnews.kz قالالىق مەتروپوليتەننىڭ باسپا ءسوز قىزمەتىنە سىلتەمە جاساپ.
مەتالدان جاسالعان تىرەۋىشتەر قازىرگى ۋاقىتتا "مومىش ۇلى"، "سارىارقا"، "رايىمبەك"، "موسكۆا" جانە "المالى" ستانسيالارىندا ورناتىلعان. الداعى ۋاقىتتا بۇل تىرەۋىشتەرگە مىقتى اينەكتەن جاسالعان پانەلدەر بەكىتىلەدى.
قورشاۋلار ستانسيا پلاتفورمالارىنداعى ۆاگوندار اراسىنداعى تىرەك نۇكتەلەرىنىڭ ءدال قارسىسىندا ورنالاسادى. بۇل قۇرىلىمدار پويىز توقتاعان كەزدە جولاۋشىلاردىڭ رەلسكە ابايسىزدا قۇلاپ كەتۋىنىڭ الدىن الۋ ءۇشىن جاسالىپ جاتىر.
مەتروپوليتەن وكىلدەرىنىڭ ايتۋىنشا، قورشاۋلاردى ورناتۋ جۇمىستارى الداعى اپتا ىشىندە تولىق اياقتالادى.