بۇل تۋرالى اشم سايتىندا جاريالاندى.
قازىرگى ۋاقىتتا كورشىلەس ەلدەر تاراپىنان قازاقستاندىق كارتوپقا جوعارى سۇرانىس ساقتالۋدا، دەپ حابارلايدى aqshamnews.kz.
2024 جىلدىڭ قورىتىندىسى بويىنشا 605 مىڭ تونناعا جۋىق كارتوپ ەكسپورتتالعان، بۇل 2023 جىلعى كورسەتكىشتەن (411 مىڭ توننا) 1،5 ەسە ارتىق.
بۇل كورسەتكىش سوڭعى 10 جىلداعى رەكوردتىق دەڭگەيگە جەتىپ، ىشكى نارىقتاعى باعالارعا ايتارلىقتاي اسەر ەتتى.
وسىعان بايلانىستى، نارىقتاعى جاعدايدى تۇراقتاندىرۋ جانە باعانىڭ وسۋىنە جول بەرمەۋ ماقساتىندا 2025 جىلعى 18 قاڭتاردا وتكەن سىرتقى ساۋدا ساياساتى جانە حالىقارالىق ەكونوميكالىق ۇيىمدارعا قاتىسۋ ماسەلەلەرى جونىندەگى ۆەدومستۆوارالىق كوميسسيانىڭ شەشىمىمەن قازاقستان رەسپۋبليكاسىنىڭ اۋماعىنان بارلىق كولىك تۇرلەرىمەن كارتوپتى ءۇشىنشى ەلدەرگە ەكسپورتتاۋعا، ەۋرازيالىق ەكونوميكالىق وداق ەلدەرىنەن باسقا، 6 اي مەرزىمگە شەكتەۋ ەنگىزىلدى.
ۆەدومستۆوارالىق كوميسسيانىڭ شەشىمى نەگىزىندە 2025 جىلعى 27 قاڭتارداعى №26 ق ر اۋىل شارۋاشىلىعى ءمينيسترىنىڭ «قازاقستان رەسپۋبليكاسىنىڭ اۋماعىنان كارتوپتى ەكسپورتتاۋ ماسەلەلەرى تۋرالى» بۇيرىعىمەن ءۇشىنشى ەلدەرگە بارلىق كولىك تۇرلەرىمەن كارتوپتى شىعارۋعا تىيىم سالىندى.
قابىلدانعان شارالار كارتوپ باعاسىنىڭ الىپساتارلىق جولمەن وسۋىنە جانە نارىق قاتىسۋشىلارى تاراپىنان ورىن الۋى مۇمكىن سپەكۋلياتيۆتى ارەكەتتەرگە جول بەرمەۋگە مۇمكىندىك بەرەدى.
بۇيرىقتىڭ تولىق ماتىنىمەن كەلەسى سىلتەمە ارقىلى تانىسۋعا بولادى:
http://zan.gov.kz/client/#!/doc/206795/kaz. بۇيرىق