الماتىدا پوليسيا قىزمەتكەرىنە شابۋىل جاساپ، قارۋ قولدانۋ وقيعاسىنا قاتىسقان ايىپتىلار سوتتالدى.
ايىپتالۋشىلار پوليسيا قىزمەتكەرىنە پىشاق جاراقاتىن دا سالعان، دەپ حابارلايدى aqshamnews.kz
بۇل تۋرالى باس پروكۋراتۋرا ءمالىم ەتتى.
— 2024 جىلعى 22 جەلتوقسانعا قاراعان ءتۇنى الماتى قالاسىنىڭ مەدەۋ اۋدانىنداعى «Barland» بارىندا قوناقتارمەن مەكەمە كۇزەتشىلەرىنىڭ قاتىسۋىمەن كەلەڭسىز وقيعا بولدى. تاراپتار اراسىنداعى جانجال ۇرىسقا ۇلاسىپ، جەدەل كەلىپ جەتكەن پوليسيا قىزمەتكەرى پىشاق جاراقاتىن العان. وقيعا كەزىندە كۇزەتشىلەردىڭ ءبىرى تىركەلمەگەن تراۆماتيكالىق تاپانشامەن ەكى رەت وق اتقان. ونىڭ قارۋ الىپ جۇرۋگە جانە قولدانۋعا رۇقساتى بولماعانى، سونداي-اق رەسمي تۇردە جۇمىسقا ورنالاسپاعانى انىقتالدى — كۇزەت قىزمەتتەرى ءبىر رەتتىك نەگىزدە راسىمدەلمەي قىزمەت اتقارعان، — دەپ حابارلادى پروكۋراتۋرادان.
تەرگەۋ قورىتىندىسى بويىنشا ەكى قاتىسۋشىدا ۇستالىپ، قازاقستان رەسپۋبليكاسى قىلمىستىق كودەكسىنىڭ 293-بابى 3-بولىگىمەن (بۇزاقىلىق) جانە 380-بابى 3-بولىگىمەن (بيلىك وكىلىنە قاتىستى كۇش قولدانۋ) قىلمىستىق جاۋاپتىلىققا تارتىلدى.
سوت كۇزەتشىنى 5 جىلعا، ەكىنشى قاتىسۋشىنى 1 جىل 6 ايعا سوتتادى. قالا پروكۋراتۋراسىنىڭ ۇيلەستىرۋىمەن وسىنداي قۇقىق بۇزۋشىلىقتاردىڭ الدىن-الۋ ماقساتىندا دەمالىس جانە مەرەكە كۇندەرى ويىن-ساۋىق مەكەمەلەرىندە پوليسيا قىزمەتكەرلەرىنىڭ كەزەكشىلىگى ۇيىمداستىرىلدى.