كوممۋنالدىق سالا قىزمەتكەرلەرى قالا جانە حالىق قىزمەتىنىڭ ستراتەگيالىق جانە ومىرلىك ماڭىزدى ماسەلەلەرىن، اتاپ ايتقاندا، سۋىق جانە ىستىق سۋدى، ەلەكتردى ۇزدىكسىز بەرۋدە، كوشەلەردى جارىقتاندىرۋدا كۇندەلىكتى اۋىر ەڭبەك ەتەدى، جىلىتۋ كەزەڭىندە ۇيلەردى جىلۋمەن قامتاماسىز ەتەدى.
مۇنداي ماسەلەنى ءماسليحات دەپۋتاتى مۇحتار زۋلەيەۆ باستاپقىدا ءوزىنىڭ پرايمەريزدەگى سايلاۋ الدىنداعى كامپانياسى كەزىندە ەنگىزگەن. ەستەرىڭىزگە سالا كەتەيىك، العاشقى اشىق ديالوگ اعىمداعى جىلى 30 شىلدەدە «الماتى سۋ» مكك قىزمەتكەرلەرىمەن ءوتتى. وندا قىزمەتكەرلەر ءوز پروبلەمالارى تۋرالى ايتىپ بەردى. اتالعان ساناتتاعى قىزمەتكەرلەر كوپ جىلدار بويى كولەڭكەدە قالىپ وتىرعانى جانە ولاردا، مىسالى، ءبىلىم بەرۋ نەمەسە دەنساۋلىق ساقتاۋ سالاسىنداعى قىزمەتكەرلەردە مەملەكەت تاراپىنان ەشقانداي قولداۋ، مەملەكەتتىك باعدارلامالار مەن جەڭىلدىكتەردىڭ جوق ەكەندىگى بەلگىلى بولدى.
بۇگىنگى «دوڭگەلەك ۇستەلگە» «الماتى سۋ»، «الماتى جىلۋ جەلىلەرى»، «الماتىجىلۋكوممۋنەنەرگو»، «الماتىەنەرگوسبىت»، «الماتى قالا جارىق»، «الاتاۋ جارىق» كومپانياسى جانە «الماتى ەلەكتر ستانسيالارى» سياقتى نەگىزگى جەتى كوممۋنالدىق قىزمەت كاسىپوداقتارىنىڭ باسشىلارى قاتىستى.
سونىمەن قاتار، مەملەكەتتىك ورگانداردىڭ، ونىڭ ىشىندە الماتى قالاسىنىڭ ەنەرگيا تيىمدىلىگى جانە ينفراقۇرىلىمدىق دامۋ باسقارماسىنىڭ وكىلدەرى دە شاقىرىلدى.
ءماسليحات دەپۋتاتى مۇحتار زۋلەيەۆ كوممۋنالدىق قىزمەتكەرلەردى قولداۋ جانە ىنتالاندىرۋ ماسەلەسىن كوتەردى، اتالعان ازاماتتاردى مەملەكەتتىك يپوتەكالىق تۇرعىن ءۇي باعدارلامالارىنا، الەۋمەتتىك قولداۋ پاكەتىنە، مەديسينالىق قامتاماسىز ەتۋگە قاتىسۋشىلاردىڭ تىزىمىنە ەنگىزۋ ماسەلەسىن قوزعادى، سونداي-اق كوممۋنالدىق قىزمەتكەرلەردىڭ جالاقى دەڭگەيىنىڭ تومەندىگى وزەكتى اسپەكت بولىپ قالا بەرەدى.
«دوڭگەلەك ۇستەل» بارىسىندا كوممۋنالدىق قىزمەتكەرلەردى قولداۋ بويىنشا اتالعان ماسەلەنى ماجىلىسمەن ايدوس سارىم قولداپ، الداعى ۋاقىتتا ونى بەيىندى كوميسسيانىڭ قاراۋىنا جانە قازاقستان رەسپۋبليكاسى پارلامەنتىنىڭ جالپى قاراۋىنا شىعارادى. بۇل - "حالىق ۇنىنە قۇلاق اساتىن" مەملەكەت تۇجىرىمداماسىنىڭ ايقىن كورىنىسى. ءماسليحات دەپۋتاتتارى باستاماشىلىق ەتكەن وزەكتى ماسەلەلەر پارلامەنت ءماجىلىسى دەپۋتاتتارىنىڭ اراسىندا تۇسىنىستىك تابۋدا.
«مەن بىرنەشە رەت كوممۋنالدىق قىزمەتكەرلەرمەن جانە كوممۋنالدىق كاسىپورىن باسشىلارىمەن كەزدەستىم. سۋمەن جابدىقتاۋ جانە ەلەكترمەن قامتاماسىز ەتۋ بويىنشا جۇمىس پروسەستەرىنە قاتىستىم. مەن پروسەستى جەكە كورىپ، جۇمىسشىلاردىڭ وتىنىشتەرى مەن ۇسىنىستارىن تىڭداعىم كەلدى. مۇنىڭ ءبارى قاجەتتى وزەكتى اقپاراتتى جيناقتاپ ماجىلىسمەندەرگە جولاۋ ءۇشىن باعىتتالىپ، ولار ءوز كەزەگىندە وسى جوبانى پارلامەنت دەڭگەيىندە شەشىم شىعارىپ، ءتيىستى مينيسترلىكتەردىڭ ودان ءارى ورىنداۋى ءۇشىن جاسالۋدا. وسىلايشا ءبىز كوپتەگەن وتانداستارىمىزعا كومەكتەسەمىز»، - دەدى ءماسليحات دەپۋتاتى مۇحتار زۋلەيەۆ.
كەزدەسۋ قورىتىندىسى بويىنشا دەپۋتات كوممۋنالدىق قىزمەتكەرلەردىڭ مارتەبەسىن كوتەرۋ – قازىرگى ۋاقىتتا نەگىزگى باسىمدىقتاردىڭ ءبىرى ەكەنىن اتاپ ءوتتى.
سونداي-اق، RAHYM الەۋمەتتىك ءۇيىنىڭ ماسەلەسى قارالدى. ءماسليحات دەپۋتاتى التىناي كوبەيەۆا قارجى مينيسترلىگى مەملەكەتتىك كىرىستەر كوميتەتىنىڭ وڭىرلىك بولىمشەلەرىنىڭ قايىرىمدىلىق جۇكتەرگە سالىق سالۋى تۋرالى ماسەلەنى كوتەردى.
الەۋمەتتىك ءۇي قىتايدان قايىرىمدىلىق جۇگىن الدى. تولىق كەدەندىك رەسىمدەۋدەن كەيىن، 2 جىلدان سوڭ مەملەكەتتىك كىرىستەر كوميتەتى الەۋمەتتىك ۇيگە 14 ملن.تەڭگە كولەمىندە سالىق سالدى. ناتيجەسىندە كومپانيا بانكروتتىق تۋرالى ءوتىنىش بەرۋگە ءماجبۇر بولدى، ال سوت پروسەستەرى بۇگىنگى كۇنگە دەيىن 5 جىل بويى ءجۇرىپ جاتىر. ماجىلىسمەن بۇل جاعدايدى دا باقىلاۋعا الدى.