بەيسەنبى كۇنى جاپونيانىڭ توكيو قالاسىندا پاراليمپيادا الاۋى ەستافەتاسى ءۇشىن الاۋ جاعۋ شاراسى باستالدى، دەپ حابارلايدى almaty-akshamy.kz قازاقپاراتقا سىلتەمە جاساپ.
الاۋ ەستافەتاسىنا بايلانىستى ءىس-شارالار 24 تامىزدان 5 قىركۇيەككە دەيىن وتەتىن پاراليمپيادا ويىندارىنا سەرپىن بەرۋ ماقساتىندا جۇرگىزىلدى.
پاراليمپيادا ويىندارىنىڭ الاۋى جاپونياداعى 800-دەن استام مۋنيسيپاليتەتتەن جينالىپ، انگليانىڭ ستوك-مانديەۆيلل قالاسىندا – پاراليمپيادا قوزعالىسىنىڭ رۋحاني وتانىنداعى الاۋمەن بىرىگەدى.
گرەكيادا جاعىلعان وليمپيادا الاۋىمەن سالىستىرعاندا، پاراليمپيادا ويىندارىنىڭ وتكىزۋ ورنى مەن ءتارتىبىن ءار مۋنيسيپاليتەت ءوزى شەشەتىن بولدى. كەيبىر شارالار مۇمكىندىگى شەكتەۋلى ادامدارعا ارنالعان عيماراتتاردا جانە ارنايى مەكتەپتەردە، سونداي-اق تابيعي اپاتتان زارداپ شەككەن اۋدانداردا وتكىزىلەدى.
سەيسەنبىدەن 20 تامىزعا دەيىن پاراليمپيادا جارىسى وتەتىن ءتورت پرەفەكتۋرادا الاۋ جاعۋ شاراسى ۇيىمداستىرىلماق.
ۇيىمداستىرۋشى مەملەكەت پەن ۇلىبريتانيادا جاعىلعان الاۋ 20 تامىزدا توكيوداعى سالتاناتتى شارادا بىرىگەدى.