جاياۋ سەرۋەن ماۋسىمى اشىلدى!
تازا اۋا، تاۋدىڭ ساف تىنىسى مەن كوك شالعىندى اڭساعاندار ءۇشىن ەڭ كەرەمەت ۋاقىت كەلدى. الماتى ماڭىندا ءبىر كۇندە بارىپ-قايتۋعا بولاتىن ىڭعايلى، كوپ شىعىندى قاجەت ەتپەيتىن مارشرۋتتار جەتەرلىك. قايسىسى سىزگە ساي كەلەدى؟
Aqshamnews.kz ءتىلشىسى دەمالىستى الدىن الا جوسپارلاپ الىپ شىعۋعا بولاتىن الماتىداعى ەڭ تانىمال 10 باعىتتى نازارلارىڭىزعا ۇسىنادى.
1. كوك جايلاۋ
قالاعا جاقىن، تانىمال باعىت. كىشى الماتى شاتقالىنان باستالىپ، 2230 م بيىكتىككە دەيىن كوتەرىلەدى. قىلقان جاپىراقتى ورماندار مەن جازىق شالعىندار ارقىلى وتەدى. قىس مەزگىلىندە سىرعاناۋعا ىڭعايلى.
• قيىندىعى: ورتاشا
• ۇزىندىعى: 8–10 كم
• مەزگىلى: جىل بويى
سۋرەت: gorny-club.kz
2. كولساي كولدەرى
ءۇش تاۋ كولى جۇيەسى. ءبىرىنشى كولگە كولىكپەن، ودان ءارى ەكىنشى كولگە دەيىن 3–4 ساعاتتىق جاياۋ جول. گۇلدەرگە تولى شالعىندار مەن بيىك شىرشالار جول بويىن كوركەمدەيدى.
• قيىندىعى: ورتاشا
• ۇزىندىعى: 8 كم (ءبىر باعىت)
• مەزگىلى: مامىر–قازان
سۋرەت: اۆتور
3. تۇيىق-سۋ مۇزدىعى
شىمبۇلاقتان باستالىپ، 3500 م بيىكتىككە دەيىن كوتەرىلەدى. مۇزدىقتار مەن مورەنالىق كولدەر كورىنەدى. تابيعاتى عىلىمي ەكسپەديسيالار مەن تاجىريبەلى جاياۋ ساياحاتشىلارعا قىزىقتى.
• قيىندىعى: جوعارى
• ۇزىندىعى: 12–15 كم
• مەزگىلى: شىلدە–قىركۇيەك
سۋرەت: ingeo.kz
4. قايراق سارقىراماسى
تۇرگەن شاتقالىندا ورنالاسقان. ورمان ىشىندەگى جەڭىل سوقپاقپەن 1،5–2 ساعاتتا جەتۋگە بولادى. تابيعي جەمىستەر وسەتىن ايماق.
• قيىندىعى: جەڭىل
• ۇزىندىعى: 6 كم (ءبىر باعىت)
• مەزگىلى: مامىر–قازان
سۋرەت: trekkingclub.kz
5. فۋرمانوۆ شىڭى
3037 م بيىكتىكتەگى شىڭ. جول بويىندا ايگىلى “الىپ اتكەنشەكتەر” ورنالاسقان. شىڭنان تالعار جانە قالا پانوراماسى انىق كورىنەدى.
• قيىندىعى: ورتاشا
• ۇزىندىعى: 10–12 كم
• مەزگىلى: مامىر–قازان
سۋرەت: zabugorshiki.com
6. تەررا الاڭى
پروحودنوە شاتقالىنداعى تابيعي الاڭ. بيىكتىگى 2600 م. كەمپينگ پەن دەمالىسقا وتە قولايلى. اشىق اسپان استىندا تۇنەۋگە جاعداي بار.
• قيىندىعى: ورتاشا
• ۇزىندىعى: 7–9 كم
• مەزگىلى: مامىر–قىركۇيەك
سۋرەت: sxodim.com
7. بوگدانوۆيچ مۇزدىعى
تالعار اسۋىنان باستالادى. مورەنالار مەن مۇزدىقتار اراسىنان وتەدى. الپينيزممەن اينالىساتىندارعا دا قىزىقتى.
• قيىندىعى: جوعارى
• ۇزىندىعى: 10–12 كم
• مەزگىلى: شىلدە–تامىز
سۋرەت: adrenalinicsilence.kz
8. گورەلنيك سارقىرامالارى
شيپالى جىلى بۇلاقتان باستالاتىن باعىت. سارقىرامالار جارتاسپەن قورشالعان. تيتوۆ پەن قۇمبەل شىڭىنا شىعۋ ءۇشىن ارالىق نۇكتە رەتىندە قولدانىلادى.
• قيىندىعى: ورتاشا
• ۇزىندىعى: 6–8 كم
• مەزگىلى: مامىر–قازان
سۋرەت: morena.kz
9. بۋكرەيەۆ شىڭى
3010 م بيىكتىكتەگى شىڭ. جول بۋتاكوۆكا شاتقالىنان باستالادى. جول بويىندا بۋكرەيەۆكە ارنالعان مەموريالدىق تاقتا بار.
• قيىندىعى: ورتاشا
• ۇزىندىعى: 12 كم
• مەزگىلى: مامىر–قازان
سۋرەت: yandex.kz
10. بۋتاكوۆ سارقىراماسى
الماتىعا جاقىن، قىسقا ءارى كوركەم باعىت. بيىكتىگى 30 مەترلىك سارقىرامامەن اياقتالادى. جاياۋ سەرۋەن مەن قىسقى بەلسەندىلىككە ىڭعايلى.
• قيىندىعى: جەڭىل
• ۇزىندىعى: 4–5 كم
• مەزگىلى: جىل بويى
