ۇكىمەت وتىرىسىندا وقۋ-اعارتۋ ءمينيسترى عاني بەيسەمبايەۆ وقۋ جىلىنىڭ اياقتالۋى جانە وسىعان بايلانىستى ەلىمىز بويىنشا جوسپارلانعان ءىس-شارالار تۋرالى باياندادى، دەپ حابارلايدى aqshamnews.kz
«بيىلعى وقۋ جىلىن 3،9 ملن وقۋشى اياقتاعالى وتىر. ونىڭ ىشىندە باستاۋىش سىنىپتى – 391 مىڭ، نەگىزگى مەكتەپتى – 364 مىڭ بالا بىتىرەدى. مەكتەپ بىتىرۋشىلەر سانى – 217 مىڭ. “التىن بەلگىگە” ۇمىتكەرلەر سانى الدىڭعى جىلدارداعىداي 5%-دان اسپايدى»، دەدى مينيستر.
ونىڭ ايتۋىنشا، وقۋ جىلىن «ءبىلىم – وتانىم» ءبىرىڭعاي سىنىپ ساعاتتارىن وتكىزۋمەن اياقتاۋ جوسپارلانىپ وتىر.
سونىمەن قاتار پەداگوگيكالىق كەڭەستىڭ شەشىمى بويىنشا مەكتەپ تۇلەكتەرىنە ارنالعان «مەكتەبىم، ساعان مىڭ العىس!» 23 نەمەسە 24 مامىرعا جوسپارلانعان.
اتتەستاتتاردى تاپسىرۋ سالتاناتتى ءراسىمى 18-20 ماۋسىمعا بەلگىلەندى.
وقۋ-اعارتۋ مينيسترلىگىنىڭ مالىمەتىنشە، 9 جانە 11 سىنىپ تۇلەكتەرىنىڭ قورىتىندى ەمتيحاندارى 29 مامىردان 16 ماۋسىمعا دەيىنگى ارالىقتا وتكىزىلەدى.