راحات-مادەنيەت شاعىن اۋدانىنداعى جەلى قۇرىلىسى بويىنشا اكىمدىك تەكسەرىس جۇرگىزەدى
قالا قۇرىلىسىن باقىلاۋ باسقارماسى راحات-مادەنيەت شاعىن اۋدانىندا «ساپا قۇرىلىس 2007» ج ش س مەردىگەر ۇيىمى جۇرگىزىپ جاتقان سۋ قۇبىرى مەن كارىز جەلىلەرىنىڭ قۇرىلىسىنا ينسپەكسيالىق تەكسەرۋ جۇرگىزدى.
تەكسەرۋ بارىسىندا ءبىرقاتار زاڭبۇزۋشىلىق انىقتالدى.
اتاپ ايتقاندا، كەيبىر ۋچاسكەلەردە قايتادان توپىراق تولتىرىلماعان، ال كەي جەرلەردە قاباتتاپ تىعىزداۋ جۇمىستارىنسىز توپىراق توسەلگەن، بۇل جول جابىندىسىنىڭ شوگۋى مەن وپىرىلۋىنا الىپ كەلگەن.
سونداي-اق، قورعانىس قورشاۋلارى، تىرەۋلەر، ور ترانشەيالارىنىڭ ەڭىستەرىن وڭدەۋ جۇمىستارى جۇرگىزىلمەگەنى انىقتالدى. بۇعان قوسا، جوبادان اۋىتقۋشىلىقتار دا تىركەلدى.
قازىرگى ۋاقىتتا بىرنەشە ق ر اقبتك باپتارى بويىنشا اكىمشىلىك شارالار قابىلداۋ ماقساتىندا جوسپاردان تىس تەكسەرىس باستالادى.