قازاقستاندىق سەيسمولوگتار الماتىدان 253 شاقىرىم جەردە جەر سىلكىنىسىن تىركەدى، دەپ حابارلايدى aqshamnews.kz
جەر سىلكىنىسىن ق ر توتەنشە جاعدايلار مينيسترلىگى سەيسمولوگيالىق باقىلاۋ جانە زەرتتەۋلەر ۇلتتىق عىلىمي ورتالىعىنىڭ سەيسميكالىق ستانسالار جەلىسى جۇما، 16 مامىر، استانا ۋاقىتىمەن ساعات 05:12-دە تىركەدى.
جەر سىلكىنىسىنىڭ وشاعى قىرعىزستاندا، الماتى قالاسىنان وڭتۇستىك-شىعىسقا قاراي 253 شاقىرىم جەردە ورنالاسقان، – دەپ جازىلعان ورتالىق حابارلاماسىندا.
قازاقستان اۋماعىندا جەر سىلكىنىسى سەزىلمەدى دەپ تۇسىندىرىلەدى.
بۇل رەتتە، ەۋروپالىق جەرورتا تەڭىزى سەيسمولوگيالىق ورتالىعىنىڭ (EMSC) مالىمەتىنشە، 6 مامىردا جەرگىلىكتى ۋاقىت بويىنشا ساعات 05:12-دە شىعىس قازاقستاندا 1 شاقىرىم تەرەڭدىكتە ماگنيتۋداسى 4،2 بولاتىن جەر سىلكىنىسى بولدى. ونىڭ باستاۋى اقسۋ قالاسىنان (جۇڭگو) 164 شاقىرىم جانە الماتى وبلىسىنداعى كەگەن اۋىلىنان 70 شاقىرىم جەردە ورنالاسقان.