مادەنيەت جانە اقپارات ءمينيسترى ايدا بالايەۆا قازاقستاننىڭ حالىق ءارتىسى بيبىگۇل تولەگەنوۆانىڭ اۋە كومپانياسىندا كەلەڭسىز جايتقا تاپ بولۋىنا قاتىستى پىكىر ءبىلدىردى، دەپ حابارلايدى aqshamnews.kz.
مينيستر قازاقستاننىڭ جانە كسرو-نىڭ حالىق ءارتىسى، اتى اڭىزعا اينالعان ءانشى بيبىگۇل تولەگەنوۆانى Air Astana اۋە كومپانياسىنىڭ بورتىنا وتىرعىزۋ كەزىندە بولعان وتە ىڭعايسىز جاعداي ءوزىن الاڭداتىپ وتىرعانىن العا تارتتى.
اۋە كومپانياسى بۇل ماسەلەگە قاتىستى تۇسىنىكتەمە بەرىپ، اۋە قاۋىپسىزدىگىنىڭ حالىقارالىق ەرەجەلەردى ەسكە سالدى. ارينە، ۇشاقتىڭ جانە جولاۋشىلاردىڭ قاۋىپسىزدىگىن قامتاماسىز ەتۋگە ارنالعان ەرەجەلەر قاتاڭ ساقتالۋعا ءتيىس.دەگەنمەن، اۋە كومپانياسىمەن پىكىر قايشىلىعىنا بارماي-اق، ورىن العان جاعدايعا بايلانىستى ءوز ويىمدى بىلدىرگىم كەلەدى.ناقتىراق ايتقاندا، اۋە كومپانياسى مەن ونىڭ قىزمەتكەرلەرى ىشكى نۇسقاۋلىقتاردان بولەك، قاراپايىم ەتيكانى، ادامي قارىم-قاتىناستى ساقتاپ، ءوز كليەنتتەرىنە قۇرمەتپەن قاراۋى كەرەك دەپ ەسەپتەيمىن.اسىرەسە، جاسى ۇلكەن جولاۋشىلارعا، وتان الدىندا ايرىقشا ەڭبەگى بار ادامدارعا ەرەكشە قۇرمەت كورسەتىلۋگە ءتيىس. ويتكەنى اعا بۋىنعا قۇرمەت – تاربيە مەن ىشكى مادەنيەت ماسەلەسى.ال قازاق ونەرىنىڭ بۇلب ۇلى، ونەر مايتالمانى بيبىگۇل احمەتقىزىنا زور دەنساۋلىق، ۇزاق ءومىر مەن سارقىلماس كۇش-جىگەر تىلەيمىن! - دەپ جازدى الجەلىدەگى پاراقشاسىندا.