ءقازىر ەرىگەن قار سۋى كوپىردىڭ استىمەن وتۋدە
جول ماماندارى قۇمنان بوگەت جاساپ، ەرىگەن قار سۋىن بۇرۋ جۇمىستارىن جۇرگىزۋ ناتيجەسىندە رەسپۋبليكالىق اۆتوجولدىڭ ەكى جەردە شايىلىپ كەتۋ ءقاۋپىن الدىن الدى، دەپ حابارلايدى Almaty-akshamy.kz «قازاۆتوجول» ۇلتتىق وپەراتورىنا سىلتەمە جاساپ.
وپەراتوردىڭ حابارلاۋىنشا، قالىپتاسقان جاعداي «الماتى – كوكپەك – كوكتال – قورعاس» تاسجولىنىڭ 139 جانە 142 شاقىرىمدارىنا قاتىستى بولىپ وتىر. ءقازىر ەرىگەن قار سۋى كوپىردىڭ استىمەن وتۋدە.
ەرىگەن قار سۋى كۇننىڭ جىلىنىپ، تاۋ بوكتەرىندەگى قاردىڭ تەز ەرۋىنە بايلانىستى پايدا بولدى.
«ءقازىر جاعداي تۇراقتى. ۋچاسكەلەردە ارنايى تەحنيكا جۇمىس ىستەپ جاتىر، قاجەت جول بەلگىلەرى ورناتىلدى. جول قوزعالىسىنا ەنگىزىلگەن شەكتەۋلەر جوق. تاسجول تاۋلىك بويى «قازاۆتوجول» ۇك» اق الماتى وبلىستىق فيليالىنىڭ ەرەكشە باقىلاۋىندا بولادى»، - دەلىنگەن حابارلامادا.