2025 جىلعى 14-15 قازاندا قىرعىزستاننىڭ بىشكەك قالاسىندا ا. سەلەزنيەۆ اتىنداعى الماتى حورەوگرافيالىق ۋچيليششەسىنىڭ تاربيەلەنۋشىلەرى مادەني الماسۋ جانە حالىقارالىق ىنتىماقتاستىقتى نىعايتۋ اياسىندا ونەر كورسەتەدى، دەپ حابارلايدى aqshamnews.kz
14 قازاندا «سەيتەك» ۇلتتىق بالالار مەن جاسوسپىرىمدەر ورتالىعىندا بىرلەسكەن كونسەرت وتەدى.
15 قازاندا ا.مالدىبايەۆ اتىنداعى قىرعىز ۇلتتىق اكادەميالىق وپەرا جانە بالەت تەاترىنىڭ ساحناسىندا ۋچيليششە تاربيەلەنۋشىلەرىنىڭ گالا-كونسەرتى ۇيىمداستىرىلادى.
كونسەرت باعدارلاماسىندا كورەرمەنگە كلاسسيكالىق، حالىقتىق، قازاق جانە زاماناۋي رەپەرتۋاردان ۇزدىك قويىلىمدار قويىلادى.
الەكساندر سەلەزنوۆ اتىنداعى الماتى حورەوگرافيالىق ۋچيليششەسى – قازاقستانداعى العاشقى جانە ەڭ كونە كاسىبي بالەت مەكتەبى. وقۋ ورنى 90 جىلدان استام ۋاقىت بويى جاڭا بۋىن بيشىلەرىن تاربيەلەپ كەلەدى. بۇگىندە ۋچيليششە تۇلەكتەرى الەمنىڭ كوپتەگەن ەلىندە سۇرانىسقا يە. ولار قازاقستاندىق حورەوگرافيانى بەدەلدى ساحنالاردا تانىستىرىپ، ۇلتتىق ونەردى الەمگە ناسيحاتتاپ كەلەدى.