مەگاپوليس اۋەجايىنىڭ ونلاين تابلوسىنا سايكەس، الماتىدان استاناعا، پاۆلودارعا ۇشاتىن رەيس كەيىنگە شەگەرىلدى.
سونداي-اق استانا، شىمكەنت، اقتاۋ، اتىراۋ، ورال، كوكشەتاۋ، قىزىلوردا، تاشكەنت، فۋكۋوكا، پحۋكەت، دەلي، انتاليا، دوحا جانە دۋبايدان ۇشىپ كەلەتىن رەيستەر كەشىگىپ جاتىر، دەپ حابارلايدى aqshamnews.kz.
الماتى اۋەجايىنىڭ باسپا ءسوز قىزمەتى، حالىقارالىق اۋەجايدىڭ قالىپتى رەجيمدە جۇمىس ىستەپ جاتقانىن جانە ەشقانداي ءۇزىلىس بايقالماعانىن حابارلادى.
Air Astana الماتىدان ۇشاتىن بارلىق رەيستەردىڭ كەشىگىپ جاتقانىن مۇزدى تازارتۋعا ارنالعان كەزەككە بايلانىستى دەپ ءتۇسىندىردى. اۋە رەيستەر وڭدەۋ اياقتالعان سوڭ جونەلتىلەدى.