تاۋەلسىزدىك كۇنىنە وراي الماتى حالىقارالىق اۋەجايىندا اسكەري-ەلەكترونيكا جانە بايلانىس ينستيتۋتىنىڭ كۋرسانتتارى مەن اسكەري وركەستر پاتريوتتىق فلەشموب وتكىزدى.
اسكەري مۋزىكانتتار قازاقتىڭ تانىمال شىعارمالارىن ورىنداپ، مەرەكەگە ەرەكشە كوڭىل-كۇي سىيلادى، دەپ حابارلايدى aqshamnews.kz.
فلەشموب بارىسىندا وركەستر «الماتى» مارشىن، كوپشىلىكتىڭ سۇيىكتى ءانى «قازاقتاي ەل قايدا؟!» جانە «ازيا داۋىسى» كومپوزيسياسىن ورىندادى. شارانىڭ شارىقتاۋ شەگى رەتىندە اسكەري وقۋ ورنىنىڭ كۋرسانتتارى ورىنداعان «اداي» كۇيى كورەرمەندەردىڭ ىستىق ىقىلاسىنا بولەندى.
بۇل ءىس-شارا اۋەجايدىڭ جولاۋشىلارى مەن قىزمەتكەرلەرى اراسىندا ۇلكەن قىزىعۋشىلىق تۋدىردى. كوپتەگەن ادامدار تامسانا قاراپ، فلەشموبتى تەلەفونعا ءتۇسىرىپ، ءتىپتى تانىس اۋەندەرگە قوسىلا شىرقادى.
فلەشموب تاۋەلسىزدىك كۇنىنىڭ ءاربىر قازاقستاندىق ءۇشىن ماڭىزدىلىعىن ايقىنداي وتىرىپ، بىرلىك پەن ءپاتريوتيزمنىڭ سيمۆولىنا اينالدى.
شارا كورەرمەندەردىڭ قوشەمەتىنە بولەنىپ، بارشاعا ۇمىتىلماس اسەر مەن ەلگە دەگەن ماقتانىش سەزىمىن سىيلادى.
