«Almaty Clean&Green». مەرەكە قارساڭىندا ناۋرىزباي اۋدانىندا وتكەن ەكولوگيالىق اكسيا وسىلاي اتالادى. رەسپۋبليكالىق «تازا قازاقستان» باعدارلاماسى مەن قالامىزداعى «الماتى – ورتاق ءۇيىمىز» ەكو-ناۋقانى ءقازىر جاڭارۋدىڭ جارشىسى از-ناۋرىزبەن ءتىپتى دە استاسىپ، ايرىقشا مانگە يە بولا ءتۇستى.
الماتى قالاسى اكىمىنىڭ ورىنباسارى ازامات قالدىبەكوۆ قاتىسقان بۇگىنشى ەكولوگيالىق اكسياعا ەكولوگتار، ەرىكتىلەر مەن بەلەندىلەر، سونداي-اق، اۋدان تۇرعىندارى دا اتسالىستى.
شارانىڭ باستى ماقساتى – ۇلتتىق مەرەكە قارساڭىندا رۋحاني تازارۋ، ۇلتتىق بولمىسقا ءمان بەرۋ. سونداي-اق، قورشاعان ورتامىزدى، اينالامىزدى تازا ۇستاۋعا كۇش سالۋ. ناتيجەسىندە توڭىرەكتەگى ارىقتار ارشىلىپ، ورىندىقتار، اۋلالار تازارتىلدى.
– بۇگىن – مەملەكەت باسشىسى باستاماسىمەن جۇزەگە اسقان «ناۋرىزناما ونكۇندىگى» باعدارلاماسىنداعى «تازارۋ كۇنى». «تازا قازاقستان» اكسياسى اياسىندا ەكولوگيالىق ناۋقانعا قالا اكىمى باستاماشىلىق ەتىپ، زيالى قاۋىم مەن مادەنيەت وكىلدەرى باسقا دا سالا قىزمەتكەرلەرى اتسالىسۋدا. قورشاعان ورتانى تازا ۇستاۋ – ەل مەن جەرگە دەگەن ىزگى قۇرمەتتىڭ بەلگىسى. ماقسات – تابيعاتقا جاناشىرلىق سەزىمىن، ورتانى قورعاۋ مادەنيەتىن قالىپتاستىرۋ،_ – دەدى ازامات قالدىبەكوۆ.
قولعا الىنعان يگى ىستەر، اتقارىلىپ جاتقان ىلكىمدى ءشارۋالاردىڭ ناتيجەسى جايىندا ەكو-بەلسەندىلەر دە ءوز ويلارىن ورتاعا سالىپ، الەۋمەتتىك ومىردەگى قورشاعان ورتا تازالىعىنىڭ ماڭىزى جايىندا كوزقاراستارىن ءبولىستى.
– بۇل ەكولوگيالىق اكسياعا 500-دەن اسا ادام جۇمىلدىرىلدى. قاتىسۋشىلاردى ىنتالاندىرۋ ءۇشىن 10 نوميناسيا بويىنشا باعالاۋ ءتۇزىمىن دە قوستىق. وسىنداي سەنبىلىكتىڭ ارقاسىندا قالا تازالانىپ، اۋلا گۇلدەنىپ، اينالا جيناقى تۇرادى، – دەدى ناۋرىزباي اۋدانى اكىمىنىڭ ورىنباسارى اينۇر بەكجانوۆا.
ال ناۋرىزباي اۋدانى كورىكتەندىرۋ ءبولىمىنىڭ باسشىسى وڭالبەك قىدىربايەۆ سەنبىلىكتىڭ بارىسىن ەگجەي-تەگجەيلى ءتۇسىندىردى:
– سەنبىلىكتە ورىندىق، شارباق، جاقتاۋلاردى بويالىپ، قۋراعان قۋراندى شوپتەر شابىلىپ، جالپى قىستان كەيىنگى تازالاۋ جۇمىستار جاسالدى. سونداي-اق اعاش ەگىلىپ، تالداردىڭ ءتۇبى قوپسىتىلىپ، قوقىس شىعارىلىپ، جارىق شامدار جوندەلدى. تازالاۋ جۇمىستارى اباي داڭعىلىنىڭ الاتاۋ مەن سترويتەلنايا كوشەلەرىنىڭ ارالىعىن قامتىدى،_ – دەدى ول.