الماتى اكىمى باقىتجان ساعىنتايەۆتىڭ تاپسىرماسى بويىنشا قالادا Almaty Business–2025 وڭىرلىك باعدارلاماسى اياسىندا شاعىن جانە ورتا بيزنەستى قولداۋ شارالارى جوسپارلانعان.
الماتى قالاسى كاسىپكەرلىك جانە ينۆەستيسيالار باسقارماسىنىڭ باسشىسى ەركەبۇلان ورازالين وڭىرلىك كوممۋنيكاسيالار قىزمەتى الاڭىندا كاسىپكەرلىكتى قولداۋ باعدارلامالارىنىڭ جۇزەگە اسۋى تۋرالى ايتتى، دەپ حابارلايدى Almaty-akshamy.kz.
«الماتى قالاسىنىڭ ناۋرىزباي، الاتاۋ، تۇركسىب جانە جەتىسۋ اۋداندارىنىڭ تۇرعىندارى كاسىپكەرلىكتى جۇرگىزۋ ءۇشىن جىلدىق 5% مولشەرلەمەمەن نەسيە الا الادى. ايتا كەتسەك، ەلىمىزدە بۇل مولشەرلەمە 6%-دى قۇرايدى»، – دەدى ەركەبۇلان ورازالين.
باعدارلاماعا الماتى قالاسىندا تىركەلگەن جانە قىزمەتىن جۇزەگە اسىراتىن شاعىن جانە ورتا كاسىپكەرلىك سۋبەكتىلەرى قاتىسا الادى. ءبىر قارىز الۋشىعا جوعارعى سوما 180 ملن تەڭگەنى قۇرايدى. نومينالدى سىياقى مولشەرلەمەسى بەلسەندى ەمەس اۋداندار ءۇشىن 5%، بەلسەندى اۋداندار ءۇشىن 7% قۇرايدى.
قازىرگى كەزدە باعدارلامانىڭ سەرىكتەس بانكتەرى – «سبەربانك»، «ۆتب بانك». ولاردا كاسىپكەرلىكتى قولداۋ ءۇشىن قاراجات بار. جۇمىستى «الفا بانك» پەن «فورتە بانك» ارقىلى باستاۋ جوسپارلانۋدا. بۇگىندە 3،3 ملرد تەڭگە كولەمىندە 46 جوباعا قولداۋ كورسەتىلدى، جالپى، بيۋدجەت 11 ملرد تەڭگەدەن اسادى.
ەركەبۇلان ءورازاليننىڭ ايتۋىنشا، Almaty Business-2025 باعدارلاماسى كاسىپكەرلەر اراسىندا كەڭىنەن تانىمال ءارى مەگاپوليستە كاسىپكەرلىكتى دامىتۋدا وڭ ناتيجە كورسەتتى.
«شوب-تى ىنتالاندىرۋ ءۇشىن الماتى اكك بازاسىندا Almaty Finance ۇيىمدارى جانە «الماتى» مقۇ قۇرىلدى. قارىزدار جىلدىق 6%-بەن 2% مولشەرلەمە بويىنشا 7 جىلعا دەيىنگى مەرزىمگە بەرىلەدى. بۇگىندە 9،5 ملرد تەڭگە كولەمىندە 130 جوبا قارجىلاندىرىلدى. بەرىلگەن نەسيەلەردىڭ 30%-دان استامى start-up جوبالارعا تيەسىلى»، – دەدى سپيكەر.
سونىمەن قاتار ەركەبۇلان ورازالين كەپىلدىگى جوق جاڭا كاسىپكەرلەر دە نەسيە الاتىنىن ايتتى. ول ءۇشىن باعدارلاماعا نەسيە تاريحى بار كليەنتتەر ءۇشىن جىلدىق 12% مولشەرلەمەمەن 6 ملن تەڭگەگە دەيىن، سونداي-اق نەسيە تاريحى جوق كاسىپكەرلەر ءۇشىن 1 ملن. تەڭگەگە دەيىن كەپىلسىز نەسيە بەرۋ مۇمكىندىگى ەنگىزىلدى. نەسيە مەرزىمى 24 ايعا دەيىن.
سونداي-اق Almaty Business-2025 باعدارلاماسى اياسىندا كاسىپكەرلەر ساتىپ الىناتىن جابدىقتى كەپىلگە قويىپ قارجىلاندىرۋ ءۇشىن Almaty Finance پەن Almaty شقۇ-نا جۇگىنە الادى.