الماتى قالاسى كاسىپكەرلىك جانە ينۆەستيسيالار باسقارماسىنىڭ باسشىسى ەركەبۇلان ورازالين وڭىرلىك كوممۋنيكاسيالار قىزمەتىنىڭ باسپا ءسوز ءماسليحاتىندا ينۆەستورلار ءۇشىن جاعدايلار مەن پەرسپەكتيۆالى جوبالار تۋرالى ايتتى.
ە. ءورازاليننىڭ ايتۋىنشا، شاعىن جانە ورتا بيزنەس سۋبەكتىلەرى ءۇشىن قولجەتىمدى وندىرىستىك الاڭدار ۇسىنۋ ماقساتىندا الماتى اكىمى باقىتجان ساعىنتايەۆتىڭ تاپسىرماسى بويىنشا ونەركاسىپتىك پاركتەر اشىلۋدا.
سپيكەر ونەركاسىپتىك پاركتەردى ۇيىمداستىرۋدىڭ ءتيىمدى جاقتارىنا نازار اۋداردى. بىرىنشىدەن، بۇل ايماق ءوز كاسىبىن جاڭادان باستاعان ادامدارعا جارامدى، ولار كاسىپورىندارىنىڭ تابىستى جۇمىس ىستەۋى تۋرالى الاڭدامايدى. ەكىنشىدەن، ونەركاسىپتىك پاركتەر قالا ەكونوميكاسىنىڭ وسۋىنە ايتارلىقتاي ۇلەس قوسادى: ولاردا جاڭا جۇمىس ورىندارى قۇرىلادى، تاۋارلار مەن قىزمەتتەر وندىرىلەدى، شاعىن جانە ورتا كاسىپكەرلىك داميدى، بوس قالعان عيماراتتار جوندەلىپ، جۇمىس ىستەۋ ءۇشىن پايدالانىلادى. جالپى، مۇنىڭ ءبارى قالالىق بيۋدجەتكە قوسىمشا سالىق اعىنىن قالىپتاستىرادى، سونىمەن قاتار مەگاپوليستىڭ ساۋلەتتىك كەلبەتىن جاقسارتادى.
"بۇگىندە 10 ونەركاسىپتىك پاركتەر بار، ونىڭ 4ء-ى قالادا 32 جالعا الۋشىمەن ىسكە قوسىلدى. جىل سوڭىنا دەيىن يندۋستريالىق ايماقتا تاعى 4 پاركتە ىسكە قوسىلدى. ال 2022 جىلى تاعى ەكەۋىن ىسكە قوسۋ جوسپارلانۋدا. ونەركاسىپتىك پارك مارتەبەسى Almaty Business اياسىندا ۇسىنىلاتىن بارلىق جەڭىلدىكتەردى پايدالانۋعا مۇمكىندىك بەرەدى»، – دەدى ە. ورازالين.
باسقارما باسشىسى ونەركاسىپتىك پارك قۇرۋ جونىندەگى جوبانىڭ ماڭىزدىلىعىن ايتتى، سونداي-اق كاسىپكەرلەر قولجەتىمدى الاڭداردا بيزنەس اشۋعا نەمەسە كەڭەيتۋگە مۇمكىندىك الادى. ءبىر شارشى مەتر ورىنعا 150 مىڭ تەڭگەگە ورىن ساتىپ الۋ، ءبىر شارشى مەترگە 1200 تەڭگە كولەمىندە جالعا الۋ مولشەرلەمەسىنىڭ تىركەلگەن قۇنى بەلگىلەندى.
سونداي-اق كاسىپكەرلىك جانە ينۆەستيسيالار باسقارما باسشىسى الماتىدا شوب-تى قولداۋدىڭ ءتۇرلى باعدارلامالارى اياسىندا كاسىپكەرلىك سالاسىندا 10 مىڭنان استام جۇمىس ورنىن قۇرۋ تۋرالى ايتتى، بۇل مەگاپوليس ەكونوميكاسىنىڭ دامۋىنا اسەر ەتەدى.