2025 جىلى توعىز اي ىشىندە الماتىنىڭ جەرگىلىكتى بيۋدجەت كىرىسى 1،6 ترلن تەڭگەگە جەتتى. بۇل وتكەن جىلدىڭ وسى كەزەڭىمەن سالىستىرعاندا 20% جوعارى. جىل قورىتىندىسى بويىنشا قالا بيۋدجەتىنە تۇسەتىن جالپى ءتۇسىم كولەمى 2،3 ترلن تەڭگەدەن اسۋى مۇمكىن. بۇل قالا تاريحىنداعى رەكوردتىق كورسەتكىش.
بيۋدجەت كىرىستەرىنىڭ ارتۋى الماتىنىڭ تۇراقتى دامىپ كەلە جاتقانىن كورسەتەدى. قالادا اۋقىمدى ەكونوميكالىق جانە الەۋمەتتىك باستامالار جۇزەگە اسىرىلىپ كەلەدى. 35 جىل ىشىندە الماتى جاسامپازدىق پەن دامۋدىڭ سيمۆولىنا اينالىپ، ونىڭ جەتىستىگى بۇكىل ەلدىڭ ماقتانىشىنا اينالدى.
شاھاردا كاسىپكەرلىك پەن يننوۆاسيانى قولدايتىن جاڭا بيزنەس-الاڭدار مەن تەحنوپاركتەر قۇرىلىپ جاتىر. الەۋمەتتىك تۇرعىدان از قامتىلعان وتباسىلاردى، زەينەتكەرلەردى جانە مۇمكىندىگى شەكتەۋلى ازاماتتاردى قولداۋ شارالارى كۇشەيتىلىپ وتىر.
تۇرعىن ۇي-كوممۋنالدىق شارۋاشىلىعىنا، كولىك ينفراقۇرىلىمىنا جانە دەنساۋلىق ساقتاۋ سالاسىنا «اقىلدى» تەحنولوگيا ەنگىزىلىپ، قالانى باسقارۋدىڭ تيىمدىلىگى مەن تۇرعىنداردىڭ ءومىر ءسۇرۋ ساپاسى ارتىپ وتىر.
الماتى كۇن سايىن جاڭارىپ، ەكونوميكالىق ءوسىم، يننوۆاسيا جانە ادامعا دەگەن قامقورلىقتى ۇيلەستىرە وتىرىپ، بولاشاقتىڭ زاماناۋي، تۇراقتى جانە جايلى قالاسىنا اينالىپ كەلەدى.