الاتاۋ اۋدانى شاھاردىڭ باستى ونەركاسىپ ورتالىقتارىنىڭ ءبىرى رەتىندەگى ورنىن نىعايتىپ كەلەدى. بيىل الماتىنىڭ يندۋستريالىق ايماعىندا وتاندىق ءوندىرىستى دامىتۋعا، جاڭا جۇمىس ورىندارىن اشۋعا جانە قالانىڭ ەكسپورتتىق الەۋەتىن ارتتىرۋعا باعىتتالعان ءبىرقاتار ءىرى جوبا جۇزەگە اسىرىلدى.
• «Astana Motors Manufacturing Kazakhstan» ج ش س
قىتايلىق اۆتوموبيل برەندتەرىن شىعاراتىن جەڭىل كولىك زاۋىتى ىسكە قوسىلدى.
ينۆەستيسيا كولەمى — 203 ملرد تەڭگە، اۋماعى — 30،9 گەكتار، 3 600 جۇمىس ورنى اشىلدى. زاۋىتتىڭ تولىق وندىرىستىك قۋاتى جىلىنا 120 مىڭ اۆتوموبيل شىعارۋعا مۇمكىندىك بەرەدى. ءقازىر كاسىپورىن تولىققاندى ءوندىرىس رەجيمىندە جۇمىس ىستەپ تۇر.
• «Astana Motors Engineering» ج ش س
كولىك قۇرالدارىنا ارنالعان قوسالقى بولشەكتەر مەن شينالاردى ساقتاۋ ماقساتىنداعى كولىك-لوگيستيكالىق حابتىڭ قۇرىلىسى اياقتالدى.
ينۆەستيسيا كولەمى — 6،3 ملرد تەڭگە، اۋماعى — 7،3 گەكتار، 212 جۇمىس ورنى قۇرىلدى.
• «Kapital Construction» ج ش س
ارماتۋرالىق تور مەن ءپروفيلدى قۇبىرلار شىعاراتىن زاۋىت پايدالانۋعا بەرىلدى.
ينۆەستيسيا — 1،51 ملرد تەڭگە، اۋماعى — 2،5 گەكتار، 100 جۇمىس ورنى اشىلدى. قازىرگى ۋاقىتتا كاسىپورىن سىناق رەجيمىندە جۇمىسىن باستادى.
• «باگدار لتد» ج ش س
شىنى ىدىستار وندىرەتىن زاۋىتتىڭ قۇرىلىسى اياقتالۋعا جاقىن.
ينۆەستيسيا كولەمى — 2،4 ملرد تەڭگە، اۋماعى — 4 گەكتار، 58 جۇمىس ورنى قاراستىرىلعان. زاۋىتتىڭ جىلدىق وندىرىستىك قۋاتى — 67،1 ملن بوتەلكە. ءقازىر تەحنيكالىق ىسكە قوسۋ جۇمىستارى جۇرگىزىلىپ جاتىر.
• «T and M Company» ج ش س جانە «Corporation M&A» ج ش س
شاعىن جانە ورتا وندىرىستەردى ورنالاستىرۋعا ارنالعان يندۋستريالىق پاركتەر جوباسىن جۇزەگە اسىرىپ كەلەدى.
ينۆەستيسيا كولەمى تيىسىنشە — 339 ملن تەڭگە جانە 316 ملن تەڭگە.
ءار نىساننىڭ اۋماعى — 0،75 گەكتار، 60-80 جۇمىس ورنى قۇرىلدى. ەكى نىسان دا پايدالانۋعا بەرىلىپ، جۇمىس ىستەپ تۇر.
جالپى، الاتاۋ اۋدانىنىڭ يندۋستريالىق ايماعى ينۆەستيسيا مەن يننوۆاسيانىڭ ورتالىعىنا اينالىپ كەلەدى. مۇندا جاڭا جۇمىس ورىندارى اشىلىپ، ينفراقۇرىلىم دامىپ، قالانىڭ زاماناۋي ونەركاسىپتىك ەكوجۇيەسى قالىپتاسىپ كەلەدى.