كىرە بەرىستەگى تەرمينالدا قوسىمشا تەكسەرۋ جەلىسى قويىلدى.
الماتى اۋەجايىندا تەكسەرىس كۇشەيتىلدى. جولاۋشىلاردىڭ ەندى رەيسكە ەرتەرەك كەلگەنى ءجون، دەپ حابارلايدى Almaty-akshamy.kz.
بۇگىنەن باستاپ الماتى حالىقارالىق اۋەجايىندا تەكسەرىس كۇشەيتىلدى. ياعني، اۋەجايعا كىرە بەرىستەگى تەرمينالدا قوسىمشا تەكسەرۋ جەلىسى قويىلدى.
«قازاقستاننىڭ اۆياسيالىق اكىمشىلىگىنىڭ وكىمى بويىنشا 12 قىركۇيەكتەن باستاپ، جەدەل-الدىن الۋ ءىس-شارالارىن جۇرگىزۋگە بايلانىستى الماتى حالىقارالىق اۋەجايىندا اۆياسيالىق قاۋىپسىزدىكتى كۇشەيتۋ شارالارى ەنگىزىلدى. حالىقارالىق تىركەۋ زالىنىڭ الدىنا قوسىمشا تەكسەرۋ جەلىسى قويىلدى»، - دەلىنگەن اۋەجايدىڭ باسپا ءسوز قىزمەتىنىڭ حابارلاماسىندا.
جولاۋشىلارعا رەيستەرىنە كەشىگىپ قالماس ءۇشىن اۋەجايعا ەرتەرەك كەلۋ ۇسىنىلدى.
ايتا كەتەيىك، بۇل قاۋىپسىزدىك شاراسى 30 قىركۇيەككە دەيىن جالعاسادى.