اۋەجايدىڭ حالىقارالىق ۇشۋلارعا ارنالعان تىركەۋ باعانىندا وزبەكستان رەسپۋبليكاسىنىڭ 18 جاستاعى ازاماتى قالجىڭ تۇرىندە ءوز جۇگىندە «اتوم بومباسى» بارىن ايتىپ، قوعامدىق ءتارتىپ پەن ازاماتتاردىڭ تىنىشتىعىن بۇزعان، دەپ حابارلايدى aqshamnews.kz
شەتەل ازاماتى ق ر ۇساق بۇزاقىلىق بويىنشا اكىمشىلىك جاۋاپكەرشىلىككە تارتىلىپ، وعان 20 اەك (78 640 تەڭگە) كولەمىندە ايىپپۇل سالىندى.
كولىكتەگى پوليسيا دەپارتامەنتىنىڭ مالىمەتىنشە، جىل باسىنان بەرى ءتۇرلى اكىمشىلىك قۇقىقبۇزۋشىلىقتار جاساعانى ءۇشىن جولاۋشىلار پوەزدارى مەن ۇشاقتاردان اكت بويىنشا 900 دەسترۋكتيۆتى جولاۋشىنى، ياعني، ونىڭ 489-ى جولاۋشىلار پويىزدارىنان، ال 411ء-ى اۋە كەمەلەرىنەن تۇسىرىلگەن.
ءتيىستى نورمالار مەن ەرەجەلەردى بۇزۋ كوپ جاعدايدا ازاماتتاردىڭ الكوگولدىك ىشىمدىكتەردى ءىشۋ نەمەسە قوعامدىق ورىندارعا ماساڭ كۇيدە كەلۋلەرمەن بايلانىستى. سونداي-اق، ۇساق بۇزاقىلىق، ۆاگونداردا تەمەكى شەگۋ جانە باسقا دا بۇزۋشىلىقتار بولعان.
- مۇنداي دەرەكتەر ءجيى كەزدەسەدى. جولاۋشىلار مۇنداي ارەكەتتەرىنىڭ سوڭى قۇقىقتىق جاۋاپكەرشىلىككە اكەلىپ سوعاتىنىن بىلمەي جاتادى. كولىك پوليسياسى كەز كەلگەن كولىكتەگى جاعدايدى تۇراقسىزداندىرۋ نەمەسە قورقىتۋ ارەكەتتەرى ەلەۋلى ءقاۋىپ رەتىندە قاراستىرىلاتىنىن جانە كىنالىلەر قولدانىستاعى زاڭناماعا سايكەس جاۋاپكەرشىلىككە تارتىلاتىنىن تاعى دا ەسكە سالادى، دەلىنگەن حابارلامادا.