قالا تۇرعىندارىنا ەسكەرتۋ: ۋاقىتتى الدىن الا جوسپارلاڭىز
الماتى اۋەجايى وكىلدەرى قالا تۇرعىندارى مەن جولاۋشىلاردان اۋەجايعا بارار كەزدە جولداعى ۋاقىتتى الدىن الا ەسەپكە الىپ، جوندەۋ جۇمىستارى ەسكەرىلەتىندەي ەتىپ ساپارلارىن جوسپارلاۋدى سۇرايدى.
«قۇرمەتتى جولاۋشىلار! جوندەۋ جۇمىستارىنا بايلانىستى كولىك قوزعالىسى ۋاقىتشا باياۋ ءجۇرۋى مۇمكىن. وسىعان بايلانىستى رەيستەرگە كەشىگۋدىڭ الدىن الۋ ءۇشىن اۋەجايعا ەرتەرەك كەلۋدى ۇسىنامىز»، – دەلىنگەن رەسمي حابارلامادا.
جوندەۋ جۇمىستارى قاشان اياقتالادى؟
جوسپار بويىنشا جوندەۋ جۇمىستارى 2025 جىلدىڭ 1 قىركۇيەگىنە دەيىن جالعاسادى. وسى ۋاقىت ارالىعىندا جولاۋشىلار مەن اۋەجاي قوناقتارىنا قولايسىزدىقتار بولۋى مۇمكىن، الايدا بۇل شارالار اۋەجاي ينفراقۇرىلىمىن جاقسارتۋ ماقساتىندا جۇرگىزىلۋدە.
ايتا كەتەيىك، بۇل جۇمىستار تەرمينال قاۋىپسىزدىگىن كۇشەيتۋ مەن ءورت قاۋىپسىزدىگى جۇيەلەرىن جاڭعىرتۋ بويىنشا كەشەندى جوبانىڭ ءبىر بولىگى بولىپ تابىلادى.
الماتى حالىقارالىق اۋەجايىنداعى جوندەۋ جۇمىستارى جولاۋشىلار قاۋىپسىزدىگى مەن قىزمەت ساپاسىن ارتتىرۋدى كوزدەيدى. دەگەنمەن، قۇرىلىس ءجۇرىپ جاتقان كەزەڭدە قالا تۇرعىندارى مەن قوناقتارىنان سابىرلىق تانىتىپ، ساپارلارىن الدىن الا جوسپارلاۋ سۇرالادى.