ءماجىلىس دەپۋتاتتارى سالىق كودەكسىنىڭ جوباسىن ءبىرىنشى وقىلىمدا ماقۇلدادى.
جوبا اياسىندا سالىقتار مەن باسقا دا مىندەتتى تولەمدەردى، سالىقتىق جەڭىلدىكتەر سانىن قىسقارتۋ، مونيتورينگىلەۋ جانە تالداۋ بويىنشا جۇيەلى شارالار كوزدەلگەن، دەپ حابارلايدى aqshamnews.kz.
بانك سەكتورى (25%)، ويىن بيزنەسى (25%)، الەۋمەتتىك سالا (10%) جانە اۋىل شارۋاشىلىعى (3%) ءۇشىن كورپوراتيۆتىك تابىس سالىعىنىڭ مولشەرلەمەسى سارالانادى.
بازالىق مولشەرلەمە 20 پايىز دەڭگەيىندە قالادى.
عيماراتتاردى، قۇرىلىستاردى، ماشينالاردى، جابدىقتاردى، باعدارلامالىق قامتىلىمدى ساتىپ الۋ نەمەسە سالۋ كەزىندە ينۆەستيسيالىق سالىقتىق پرەفەرەنسيالار قاراستىرىلادى. جەكە تۇلعالارعا سالىق سالۋ بويىنشا ءبىرىڭعاي جيناقتاۋشى زەينەتاقى قورىنان زەينەتاقى تولەمدەرىن جەكە تابىس سالىعىنان بوساتۋ ۇسىنىلادى. رەسپۋبليكالىق بيۋدجەت تۋرالى زاڭدا بەلگىلەنگەن 30 ايلىق ەسەپتىك كورسەتكىش مولشەرىندە جالاقىدان بازالىق سالىق شەگەرىمىن بەلگىلەۋ كوزدەلەدى.
10 جىلدان استام پايدالانىلعان اۆتوموبيلدەر ءۇشىن سالىق سوماسى 30 پايىزعا، 20 جىلدان استام پايدالانىلعاندارعا 50 پايىزعا تومەندەتىلەدى.
ال «ءسان-سالتانات» زاتتارىنا (قىمبات مۇلىك، اۆتوموبيلدەر، الكوگول جانە تەمەكى ونىمدەرى، تەڭىز كەمەلەرى، ۇشۋ اپپاراتتارى) جوعارى سالىق سالۋ ۇسىنىلادى.