قالا تۇرعىندارى تابيعي قۇبىلىس سانالاتىن گالونى، ياعني قازاقشا ايتقاندا كۇننىڭ قۇلاقتانۋ قۇبىلىسىن تاماشالادى.
ەرەكشە قۇبىلىستى تۇرعىندار الەۋمەتتىك جەلىلەردە جارىسا جاريالادى، دەپ حابارلايدى Almaty-akshamy.kz.
«كۇننىڭ اينالاسىندا دوڭگەلەك ءپىشىن پايدا بولدى. الماتىنىڭ اۋا-رايى قۇبىلمالى. بۇلت باسپاسا بۇداندا اسەم كورىنەر ەدى. تابيعاتتىڭ ەرەكەشە قۇبلىسىنا كۇا بولعانىما قۋانىشتىمىن»، – دەيدى قالا تۇرعىن.
كۇننىڭ قورالانۋى - كۇننىڭ اينالاسىندا پايدا بولاتىن، ءپىشىنى القاعا (نە ديسككە) ۇقسايتىن ايقىن كورىنەتىن جارىق جولاعى بولىپ، ول جارىقتىڭ بۇلتتاعى مۇز كريستالدارىنان سىنۋى جانە شاعىلۋى ناتيجەسىندە پايدا بولاتىن اتموسفەرالىق-وپتيكالىق قۇبىلىس. ول كوبىنەسە ساقينا ءپىشىندى، دوعا، جارىق دىڭگەگى، نۇرلى داق سەكىلدى پىشىندەردە بولىپ، كۇندى، نە ايدى قورشاپ تۇرادى. ول قىزىل، قىزعىلت سارى، سارى، جاسىل، كوك، كوگىلدىر، كۇلگىن سەكىلدى 7 ءتۇرلى ءتۇستىڭ قاباتتاسۋى بولىپ كورىنۋى مۇمكىن.