سىبايلاس جەمقورلىققا قارسى ءىس-قيمىل اگەنتتىگىنىڭ رەسمي وكىلى دانيار بەگايداروۆ 15 ايدا 14 ملرد تەڭگەدەن استام شىعىن كەلتىرگەن ءبىلىم سالاسىنداعى جۇيەلى سىبايلاس جەمقورلىق تاۋەكەلدەرى تۋرالى مالىمدەدى، دەپ حابارلايدى اlmaty-akshamy.kz.
ونىڭ ايتۋىنشا، ءبىلىم بەرۋ سالاسىندا 2023 جىلدان باستاپ اعىمداعى جىلدىڭ ءبىرىنشى توقسانىنا دەيىن ەڭبەكاقى تولەۋ قورىنان قاراجات ۇرلاۋمەن بايلانىستى تۇراقتى قىلمىستىق سحەمالار اشىلعان.
"بۋحگالتەرلەر ۇلتتىق ءبىلىم بەرۋ بازاسى، مەكتەپتىڭ بۋحگالتەرلىك ەسەپ جۇيەلەرى جانە كليەنتتەردىڭ قازىناشىلىق جۇيەسى اراسىنداعى ينتەگراسيانىڭ جوقتىعىن پايدالاندى. ولار تولەم قۇجاتتارىنا قولمەن تۇزەتۋلەر ەنگىزىپ، بيۋدجەت اقشاسىن ۇرلادى. جىمقىرۋشىلىق جىل سايىنعى بيۋدجەتتىك وتىنىمدەردى قالىپتاستىرۋ كەزىندە دە ىسكە اسقان"، - دەدى سپيكەر.
دانيار بيگايداروۆتىڭ ايتۋىنشا، مۇنداي جىمقىرۋ سحەماسىمەن ولار بەلگىلەنگەن نورمادان جوعارى جالاقى الىپ جۇرگەن. بوگدە تۇلعالاردىڭ دەرەكتەمەلەرى بويىنشا وزدەرىنىڭ شوتتارىنا بوگدە ادامداردىڭ جالاقىلارىن ەسەپتەگەن. سونىمەن قاتار، "قايتىس بولعان" ادامدارعا جالاقى ەسەپتەگەن.
"اگەنتتىك ءبىلىم بەرۋ سالاسىندا وسىنداي 206 قىلمىستىق ءىستى تىركەدى. ولار بويىنشا زالال 14 ملرد تەڭگەدەن استى. جالپى، ۇرلىقتىڭ ەڭ ۇلكەن سوماسى تۇركىستان، جەتىسۋ، قىزىلوردا، الماتى، اقتوبە وبلىستارى مەن الماتى قالاسىندا انىقتالدى. ۇرلاۋ فاكتىلەرى تەكسەرىلۋدە. مىسالى، جاقىندا عانا جەتىسۋ وبلىسىنداعى سىبايلاس جەمقورلىققا قارسى قىزمەت سارقان اۋدانىنىڭ بيۋدجەتتىك ءبىلىم ءبولىمى باسشىسىنىڭ زاڭسىز قىزمەتىن توقتاتتى. ول وسى ءبولىمنىڭ بۋحگالتەرلەرىنىڭ شوتتارىنا ارتىق بەلگىلەنگەن جالاقىنى زاڭسىز اۋدارۋ ارقىلى 1 ملرد تەڭگە سوماسىندا اسا ءىرى مولشەردە بيۋدجەت قاراجاتىن ۇرلادى دەپ كۇدىكتەلۋدە"، - دەپ تولىقتىردى ول.
انتيكوردىڭ مالىمەتىنشە، تەرگەۋ ارەكەتتەرى كەزىندە 156 ملن تەڭگە سوماسىندا اقشالاي قاراجات تابىلىپ، تاركىلەندى. كۇدىكتى سوتتىڭ سانكسياسىمەن قاماۋعا الىندى. وسى ءىس بويىنشا تەرگەۋ جالعاسۋدا.
"4 ساۋىردە جاڭاقورعان اۋداندىق سوتىنىڭ وڭىردەگى ءبىلىم ءبولىمىنىڭ باسشىسى يبراگيموۆقا، مم باس بۋحگالتەرى ايازبايەۆاعا جانە 24 مەكتەپ بۋحگالتەرىنە قاتىستى ۇكىمى كۇشىنە ەندى. ولار جالپى سوماسى 1 ملرد تەڭگەدەن اسا ءىرى مولشەردە بيۋدجەت قاراجاتىن ۇرلاعانى ءۇشىن كىنالى دەپ تانىلدى. سوت ۇكىمىمەن مەكەمەنىڭ باسشىسىنا، بۋحگالتەرلەرىنە 8 جىل باس بوستاندىعىنان ايىرۋ، بۋحگالتەرلەردىڭ بىرىنە – جاس بالانىڭ اسىراۋىندا بولۋىنا بايلانىستى 5 جىل مەرزىمگە جازاسىن كەيىنگە قالدىرا وتىرىپ، 7 جىل باس بوستاندىعىنان ايىرۋ جازاسى تاعايىندالدى. سونىمەن قاتار سوتتالعاندار مەملەكەتتىك قىزمەتتە جانە وزگە دە ۇيىمداردا قىزمەت اتقارۋ قۇقىعىنان ءومىر بويىنا ايىرىلادى"، - دەپ تۇيىندەدى دانيار بيگايداروۆ.