الماتى اكىمى ەربولات دوسايەۆتىڭ قالا تۇرعىندارىمەن كەزەكتى كەزدەسۋى جەتىسۋ اۋدانىندا ءوتتى. قالا باسشىسى اۋداننىڭ دامۋى جانە وتكەن جىلى تۇرعىنداردان تۇسكەن ۇسىنىستار بويىنشا اتقارىلعان جۇمىستار تۋرالى ايتىپ بەردى. كەزدەسۋگە 350-دەن استام ادام كەلدى، دەپ حابارلايدى اlmaty-akshamy.kz.
اۋداننىڭ وزەكتى ماسەلەلەرىنىڭ ءبىرى ينجەنەرلىك ينفراقۇرىلىم ماسەلەلەرى بولىپ تابىلادى. 2022 جىلى جۇمىسشىلار كەنتىندەگى 22 كوشەدە 47 كم سۋمەن جابدىقتاۋ جانە سۋ بۇرۋ جەلىلەرى "الماتى سۋ"كمك تەڭگەرىمىنە بەرىلدى. ءقازىر 2 500 ابونەنتتى جاڭا جەلىلەرگە قوسۋ جۇمىستارى جۇرگىزىلۋدە. سونىمەن قاتار، باسقا نۇكتەلەردە 14،5 كم سۋمەن جابدىقتاۋ جانە كارىز جەلىلەرى قايتا جاڭارتىلدى. اعىمداعى جىلى اۋداننىڭ 68 كوشەسىندە جالپى 98 شاقىرىمعا جۋىق سۋمەن جابدىقتاۋ جانە سۋ بۇرۋ جەلىلەرىن سالۋ مەن مودەرنيزاسيالاۋدى باستاۋ جوسپارلانۋدا.
اۋدان تۇرعىندارىن تۇراقتى ەلەكترمەن جابدىقتاۋ جانە ساپالى كوشە جارىعىمەن قامتاماسىز ەتۋ ماڭىزدى باعىت بولىپ قالا بەرەدى. وتكەن جىلى پاللادين-پاۆلودار-بورالداي كوشەلەرىنىڭ اۋماعىندا، سونداي-اق تايمىرسكايا كوشەسىندە 12 كم توزعان ەلەكتر جەلىلەرى 80%-عا مودەرنيزاسيالاندى. اعىمداعى جىلدىڭ سوڭىنا دەيىن كەمەل شاعىن اۋدانىندا 3 مىڭنان استام ابونەنت ءۇشىن تاعى 43،5 كم ەلەكتر جەلىلەرى جوندەلەدى.
كوشەلەردى جارىقتاندىرۋ ماسەلەلەرىنە كەلەتىن بولساق، وتكەن جىلى اۋداننىڭ بۇرىن ءىشىنارا جارىقتاندىرىلماعان 49 كوشەسىندە جۇمىستار اياقتالدى، 5 كوشەدە جارىقتاندىرۋ مودەرنيزاسيالاندى. 2023 جىلى تاعى 101 كوشەنى جارىقتاندىرۋ بويىنشا جسق ازىرلەنەتىن بولادى.
اۋدانداعى وزەكتى ماسەلەنىڭ ءبىرى جول جابىندىسى بولىپ تابىلادى. وتكەن جىلى ۇزىندىعى 26 كم-دەن اساتىن 22 كوشەدە ورتاشا جوندەۋ جۇرگىزىلدى. 2023 جىلى اۋا رايى قولايلى بولعاننان كەيىن جۇمىس جالعاسادى. اۋداننىڭ 28 كوشەسىندە تاعى 25 كم جولدى ورتاشا جوندەۋ جوسپارلانۋدا.
قوعامدىق كولىك قىزمەتتەرىنىڭ ساپاسىن ارتتىرۋ باسىم باعىت بولىپ قالا بەرەدى. 2022 جىلى ۇلكەن سۇرانىسقا يە 8 باعىتتىڭ جىلجىمالى قۇرامى تولىعىمەن جاڭارتىلدى – 117 جاڭا اۆتوبۋس ءبولىندى. اعىمداعى جىلى اۆتوپاركتەردى جاڭارتۋ جانە جەكەلەگەن باعىتتاپردى كۇشەيتۋ جالعاسادى.
قادامدىق قولجەتىمدىلىك تۇجىرىمداماسى اياسىندا اۋداننىڭ الەۋمەتتىك ينفراقۇرىلىمىن دامىتۋ بويىنشا بەلسەندى جۇمىس جالعاسۋدا. ماسەلەن، "كەمەل" شاعىناۋدانىندا ءبىر اۋىسىمدا 200 ادام قابىلدايتىن وتباسىلىق-دارىگەرلىك امبۋلاتوريانىڭ قۇرىلىسى اياقتالىپ قالدى. وتكەن جىلى اكىمدىك اۋىسىمىنا 200 جانە 300 كەلۋشىگە ارنالعان ەمحانالاردى اشۋ ءۇشىن ەكى عيمارات ساتىپ الدى.
وقۋشى ورىندارىنىڭ تاپشىلىعىن تومەندەتۋ ماسەلەلەرىنە ەرەكشە نازار اۋدارىلادى. 2022 جىلى 875 ورىندىق 2 مەكتەپتە قوسالقى نىساندار پايدالانۋعا بەرىلدى جانە 200 ورىندىق قوسالقى نىساننىڭ قۇرىلىسى باستالدى. اعىمداعى جىلى "جايلى مەكتەپ" ۇلتتىق جوباسى اياسىندا 1200 ورىندىق جاڭا مەكتەپ جانە قولدانىستاعى مەكتەپتەرگە 450 ورىندىق 2 قوسىمشا قۇرىلىس سالۋ جوسپارلانعان.
"مەكتەپ اۆتوبۋسى" جوباسى اياسىندا كولىككە وتە مۇقتاج ءتورت مەكتەپتىڭ وقۋشىلارى ىرىكتەلدى (№80، 87، 112 جانە 193). ولار ءۇشىن 16 ارنايى اۆتوبۋس بولىنەدى، ونىڭ 3-ەۋى ناۋرىز ايىندا بالالاردى تاسىمالداۋدى باستايدى.
ۇنەمى سۋ باسۋ ورىندارىنىڭ پروبلەماسىن شەشۋ بويىنشا. 2022 جىلى اكىمدىك تج جەلىسى بويىنشا ءجيى سۋ باساتىن 7 ۋچاسكەنى انىقتادى، ولاردى جويۋ ءۇشىن ۇزىندىعى 2،6 كم جاڭا سۋ بۇرۋ كوللەكتورى سالىندى، 2 قولدانىستاعى كوللەكتور تازارتىلدى، 1،3 كم ارىق جەلىسى سالىندى، ەسەنتاي كانالى تازارتىلدى.
اۋدان ءۇشىن اباتتاندىرۋ ماسەلەلەرى وزەكتى بولىپ قالا بەرەدى. 2022 جىلى "اينابۇلاق" شاعىناۋدانىندا، گۇلدەر ساياباعىندا اعىمداعى جوندەۋ جۇمىستارى جۇرگىزىلدى: سۋارۋ جۇيەلەرى قايتا جاڭارتىلدى، جاڭا جارىقتاندىرۋ ورناتىلدى. سكەيت- پاركتەر ۇيىمداستىرىلدى، جاستار ءۇشىن 2 جاڭا الاڭ اشىلدى. سونداي-اق، ستريتبول، باسكەتبول، ۆولەيبول جانە ۆوركۋت الاڭدارى زاماناۋي قۇرىلعىلارمەن جابدىقتالدى. اعىمداعى جىلدىڭ سوڭىنا دەيىن "كەمەل" شاعىناۋدانىندا جاڭا ساياباقتىڭ قۇرىلىسىن اياقتاۋ جانە "كوكمايسا" شاعىناۋدانىنداعى ەسەنتاي وزەنىنىڭ جاعالاۋىن اباتتاندىرۋ جوسپارلانۋدا.
«حالىق قاتىساتىن بيۋدجەت» جوباسى اياسىندا 2022 جىلى اۋداندا 23 جوبا ىسكە اسىرىلدى، ونىڭ ىشىندە بالالار مەن سپورت الاڭدارى جوندەلدى، قوعامدىق كەڭىستىكتەر قۇرىلدى. 2023 جىلى اۋدان تۇرعىندارىنىڭ وتىنىمدەرى بويىنشا 800 ملن تەڭگەگە 17 جوبانى ىسكە اسىرۋ جوسپارلانۋدا.
الماتى اكىمىمەن كەزدەسۋ بارىسىندا اۋدان تۇرعىندارى جولداردى، كارىز جانە ەلەكتر جەلىلەرىن جوندەۋ، اباتتاندىرۋ، ت. ب. ماسەلەلەردى كوتەردى.