ءبىرىنشى نىسان – الماتى جول-قۇرىلىس كومپانياسى (اجقك). مۇندا اسفالت، كەسپە تاس جانە جيەكتاس وندىرىلەدى. ءبىر اۋىسىمدا زاۋىت 8 640 مەتر جول جانە ماگيسترال جيەكتاستارىن، 15 840 مەتر ب ا ق جيەكتاستارىن، سونداي-اق 1 800 شارشى مەتردەن استام كەسپە تاس شىعارادى. اسفالت ءوندىرۋ قۋاتتىلىعى – ساعاتىنا 980 توننا.
كومپانيانىڭ ءوز اۆتوپاركى بار: اسفالت توسەگىشتەر، تاپتاعىشتار، ەكسكاۆاتورلار جانە باسقا دا ارنايى تەحنيكامەن تولىق قامتىلعان. بۇل جول قۇرىلىسىنىڭ تولىق سيكلىن ورىنداۋعا مۇمكىندىك بەرەدى.
كەلەسى نىسان – Concrete Products زاۋىتى. مۇندا تەمىربەتون قۇرىلىمدارى، قاسبەتتىك پانەلدەر جانە كورىكتەندىرۋ ەلەمەنتتەرى شىعارىلادى. كاسىپورىننىڭ جىلدىق وندىرىستىك قۋاتى 450 مىڭ شارشى مەتر ونىمگە جەتەدى.
سونداي-اق، قالا باسشىسى ARIBA جيھاز فابريكاسىنا باردى. مۇندا 140-تان استام قىزمەتكەر ەڭبەك ەتەدى، كاسىپورىننىڭ جۇمساق جيھاز ونىمدەرى حالىقارالىق كورمەلەردە بىرنەشە رەت جەڭىمپاز اتانعان.
دارحان ساتىبالدى جەرگىلىكتى ءوندىرىستى قولداۋدىڭ ماڭىزدىلىعىن اتاپ ءوتتى:
«ءوز ءوندىرىسىمىزدى دامىتىپ، ءونىم ساپاسىنا جانە “الماتىدا جاسالعان” برەندىنە باسا ءمان بەرۋ قاجەت. قالا ەڭ الدىمەن ءوزىمىزدىڭ كاسىپورىنداردى قولداپ، الماتىلىق ءونىمدى ساتىپ الۋعا باسىمدىق بەرۋى كەرەك»، – دەدى اكىم.
جۇمىس ساپارى سەيفۋللين داڭعىلى مەن جانسۇگىروۆ كوشەسىنىڭ قيىلىسىندا ورنالاسقان جاڭارتىلعان اۋماقتا اياقتالدى. نىسان قالا كۇنىنە وراي اشىلعان. مۇندا كەڭ كولەمدە كوگالداندىرۋ جۇرگىزىلىپ، ساۋلەتتىك جارىقتاندىرۋ، بەينەباقىلاۋ كامەرالارى جانە بالالار مەن مۇمكىندىگى شەكتەۋلى ازاماتتارعا ارنالعان ينكليۋزيۆتى ەلەمەنتتەر ورناتىلعان.
قالا باسشىسى الماتىنى كورىكتەندىرۋ كەزىندە ءبىرىڭعاي ساۋلەتتىك ستيل مەن قالالىق كودتى ساقتاۋ قاجەتتىگىن اتاپ ءوتتى. بۇل ءاربىر جاڭا نىساننىڭ مەگاپوليس كەلبەتىنە ۇيلەسىمدى ەنۋىنە مۇمكىندىك بەرەدى.
ونەركاسىپتى دامىتۋ مەن قالالىق ورتانى جاقسارتۋ – الماتى اكىمدىگىنىڭ باسىم باعىتتارىنىڭ ءبىرى. بۇل باستامالار ەكونوميكانىڭ وسۋىنە، جاڭا جۇمىس ورىندارىنىڭ اشىلۋىنا جانە تۇرعىنداردىڭ ءومىر ساپاسىن ارتتىرۋعا ىقپال ەتەدى.