الماتى اكىمى ەربولات دوسايەۆ پنيەۆماتيكالىق مىلتىقتىڭ اتقىشتارى يسلام ساتبايەۆ پەن الەكساندرا لەنى پاريجدەگى وليمپيادا ويىندارىندا قولا مەدالدارىمەن قۇتتىقتادى، دەپ حابارلادى akshamnews.kz.
"سىزدەردىڭ ەڭبەكتەرىڭىز، سپورتتىق شەبەرلىكتەرىڭىز لايىقتى ماراپاتقا يە بولدى. وليمپيادادا قولا مەدال مەن قۇتتىقتايمىن. قالانى الەمدىك ارنادا تانىس ەتىڭىزدەر. سول ءۇشىن ءبىز ەرەكشە قۋانىشتىمىز. سىزدەرگە ودان ءارى ساتتىلىك پەن جاڭا جەڭىستەر تىلەيمىن. الماتى سىزدەردى ماقتان تۇتادى"، - دەدى قالا باسشىسى ەربولات دوسايەۆ.
انىقتاما ءۇشىن: قازاقستاندىق اتقىش يسلام ساتبايەۆ 1998 جىلى 21 قىركۇيەكتە الماتى قالاسىندا دۇنيەگە كەلگەن. وق اتۋدان قازاقستان رەسپۋبليكاسىنىڭ حالىقارالىق دارەجەدەگى سپورت شەبەرى، 2023 جىلعى الەم كۋبوگىنىڭ كۇمىس جۇلدەگەرى، 2021 جىلعى ازيا چەمپيونى، 2022 جىلعى ازيا چەمپيوناتىنىڭ كۇمىس جانە قولا جۇلدەگەرى، 2022 جىلعى الەم كۋبوگىنىڭ قولا جۇلدەگەرى.
قازاقستاندىق اتقىش، قازاقستان رەسپۋبليكاسىنىڭ وق اتۋدان حالىقارالىق دارەجەدەگى سپورت شەبەرى الەكساندرا لە 2004 جىلى 3 مامىردا الماتى قالاسىندا دۇنيەگە كەلگەن. جەتىستىكتەر قورجىنىندا - 2024 جىلعى ازيا چەمپيونى، 2023 جىلعى ازيا ويىندارىنىڭ قولا جۇلدەگەرى، 2023 جىلعى الەم كۋبوگىنىڭ جەڭىمپازى.