ءماسليحات سەسسياسىندا قالا اكىمى ەربولات دوسايەۆتىڭ قاتىسۋىمەن الماتىنىڭ قالاسىنىڭ 2023-2025 جىلدارعا ارنالعان بيۋدجەت جوباسى قارالدى.
ونىڭ بارىسىندا قالا قاۋىپسىزدىگى دە ءسوز بولدى، دەپ حابارلايدى Almaty-akshamy.kz.
«جۇمىسىمىزدىڭ ماڭىزدى باعىتى قاۋىپسىزدىكتى قامتاماسىز ەتۋ جانە قۇقىق بۇزۋشىلىق تاۋەكەلدەرىن ازايتۋ بولىپ تابىلادى. مەملەكەت باسشىسى الاتاۋ اۋدانىندا پيلوتتىق رەجيمدە اشىلعان پوليسيانىڭ سەرۆيستىك ورتالىعىنىڭ جۇمىسىنا وڭ باعا بەردى. ناتيجەسىن ەسكەرە وتىرىپ، ءبىز باسقا 7 اۋداندا دا وسىنداي ورتالىقتار اشۋدى جوسپارلاپ وتىرمىز (1،1 ملرد تەڭگە)»، - دەدى قالا اكىمى ە.دوسايەۆ.
سەيسميكالىق ءقاۋىپتى ەسكەرە وتىرىپ، 17 سەيسميكالىق ستانسيا ورناتۋ ارقىلى حالىققا جاقىنداپ كەلە جاتقان جەر سىلكىنىستەرى تۋرالى ەرتە حابارلاۋ جۇيەسىن ەنگىزۋ جۇمىسى جالعاسادى، وعان 597 ملن. تەڭگە كوزدەلەدى.
كوشە جارىعى – قوعامدىق قاۋىپسىزدىك سالاسىنداعى ستراتەگيالىق ماڭىزدى باعىت.
ءقازىر قالا كوشەلەرى مەن اۋلالاردىڭ 20%-ىندە جارىق جوق، ال شامداردىڭ 1/3 (ۇشتەن ءبىر) بولىگىنىڭ ساپاسى تومەن.
وسى ماسەلەنى شەشۋ ءۇشىن جىل سوڭىنا دەيىن الماتى قالاسىنىڭ اكىمدىگى بۇرىن جارىعى بولماعان 511 ۋچاسكەدە جارىق جۇرگىزۋدى اياقتايدى. بۇل جۇمىستى جالعاستىرۋ ءۇشىن 2023 جىلعا 550 ۋچاسكە جانە 5،5 ملرد. تەڭگە جوسپارلانعان.