- بالالار مەن جاسوسپىرىمدەرگە ارنالعان شىعارماشىلىق ۇيىرمەلەر مەن سپورت سەكسيالارىن جان باسىنا قارجىلاندىرۋ ماسەلەسى قالا تۇرعىندارىن قاتتى تولعاندىرادى. 2022 جىل باسىنان بەرى 19 ملرد. تەڭگە ءبولىنىپ، 70 مىڭ بالانى قامتۋعا مۇمكىندىك بەردى، - دەدى ە.دوسايەۆ ءماسليحات سەسسياسىندا.
"الايدا، وزدەرىڭىز بىلەتىندەي، باعدارلامانى ىسكە اسىرۋ پروسەسىندە اكىمدىك artsport.edu.kz پلاتفورماسىنداعى جان باسىنا شاققانداعى قارجىلاندىرۋدىڭ جەتە پىسىقتالماۋىنان تۋىنداعان كۇردەلى پروبلەمالارعا تاپ بولدى. مەملەكەتتىك دەرەكتەر بازاسىمەن ينتەگراسيالانباعان، بالالار مەن جەتكىزۋشىلەردىڭ جەكە باسىن دۇرىس سايكەستەندىرۋ مۇمكىن ەمەس، بالانىڭ زاڭدى وكىلى تابەلدى تولتىرۋدا ەلەكتروندىق سيفرلىق قولتاڭبانى پايدالانباعان جانە تاعى باسقا ماسەلەلەر" - دەدى قالا اكىمى.
2023 جىلدىڭ 1ء-شى قاڭتارىنان باستاپ اكىمدىكتەرگە باعدارلامانى ىسكە اسىرۋ ءۇشىن پلاتفورمانى ءوز بەتىنشە تاڭداۋعا مۇمكىندىك بەرەتىن وزگەرىستەر كۇشىنە ەنەدى. وسىعان بايلانىستى، قولدانىستاعى پروبلەمالاردى ەسكەرە وتىرىپ، نورماتيۆتىك قۇجاتتارعا سايكەس كەلەسى جىلعا ارنالعان پلاتفورمانى ىرىكتەۋ تالاپتارىن دايىندالدى.
جالپى، 2023 جىلعى بيۋدجەتتە شىعارماشىلىق ۇيىرمەلەر مەن سپورت سەكسيالارىن جان باسىنا قارجىلاندىرۋ باعدارلاماسىنا 16،2 ملرد. تەڭگە كوزدەلگەن. بۇل شامامەن 70 مىڭ بالانى قامتۋعا مۇمكىندىك بەرەدى.
2023 جىلى جالپى سوماسى 3،1 ملرد. تەڭگەگە ناۋرىزباي اۋدانىنىڭ "شۇعىلا" شاعىناۋدانىندا جانە الاتاۋ اۋدانىنىڭ "نۇركەنت" شاعىناۋدانىندا ءارقايسىسى 675 ورىندىق يننوۆاسيالىق شىعارماشىلىق ورتالىقتاردىڭ قۇرىلىسىن اياقتاۋدى جوسپارلاپ وتىر (2023 ج. اقپاندا پايدالانۋعا بەرۋ).