المالى جانە بوستاندىق اۋداندارىندا ۋاقىتشا سالقىن سۋ بولمايدى

الماتىدا سۋ قۇبىرلارىنداعى تەحنولوگيالىق جابدىقتاردى اۋىستىرۋ بويىنشا جوسپارلى جۇمىستار جالعاسۋدا، دەپ حابارلايدى aqshamnews.kz

سۋ جەتكىزۋ جۇيەسىنىڭ، جۇمىستارى جىلدام جۇردەك كولىك (BRT) جەلىسىنىڭ قۇرىلىس ايماقتارىندا دا جۇرگىزىلىپ جاتىر. وسىعان بايلانىستى «الماتى سۋ» مەكەمەسىنىڭ مالىمەتىنشە، 2025 جىلدىڭ 20 مامىرى كۇنى ساعات 09:00-دەن 20:00-گە دەيىن المالى جانە بوستاندىق اۋداندارىندا كەلەسى شەكارالار اياسىندا اۋىز سۋ (سالقىن سۋ) ۋاقىتشا وشىرىلەدى:

• نازاربايەۆ داڭعىلى – ماكااتايەۆ كوشەسى – رايىمبەك داڭعىلى – چايكوۆسكيي كوشەسى؛

• اباي داڭعىلى – نازاربايەۆ داڭعىلى – قابانباي باتىر كوشەسى – سەيفۋللين كوشەسى؛

• اباي داڭعىلى – سەيفۋللين كوشەسى – قۇرمانعازى كوشەسى – بايتۇرسىنوۆ كوشەسى.

سونداي-اق، سالقىن سۋدىڭ ۋاقىتشا ءوشىرىلۋى كەلەسى الەۋمەتتىك جانە اكىمشىلىك نىساندارعا دا اسەر ەتەدى: «وۆاسيا» تۇرعىن ءۇي كەشەنى، №90 ليسەي-مەكتەپ، №147 گيمنازيا، №120 مەكتەپ-گيمنازيا، №30 جانە №139 بالاباقشالار، قازاق ۇلتتىق اگرارلىق زەرتتەۋ ۋنيۆەرسيتەتى، لەرمونتوۆ اتىنداعى تەاتر، سپورت جانە تۋريزم اكادەمياسى، ا. ن. سىزعانوۆ اتىنداعى حيرۋرگيا عىلىمي ورتالىعى، قالالىق ريەۆماتولوگيا ورتالىعى جانە جوعارىدا اتالعان كوشە كونتۋرلارىندا ورنالاسقان وزگە دە مەكەمەلەر.