ءبىر قاتار ەمحانالارعا جوندەۋ جۇمىستارىن جۇرگىزىلەدى.
الماتى اكىمى ەربولات دوسايەۆ المالى اۋدانىندا الەۋمەتتىك ينفراقۇرىلىممەن قامتاماسىز ەتۋ ماقساتىندا جاسالىپ جاتقان جۇمىستار جايىندا ايتتى، دەپ حابارلايدى Almaty-akshamy.kz.
ەگدە جاستاعى ازاماتتاردىڭ ءومىر ءسۇرۋ ساپاسىن جاقسارتۋ جانە الەۋەتىن ىسكە اسىرۋ ماقساتىندا قازان ايىندا ماۋلەنوۆ كوشەسى، 46ا مەكەنجايىندا «بەلسەندى ۇزاق ءومىر ءسۇرۋ ورتالىعىنىڭ» تاعى 1 فيليالى اشىلدى.
«امانگەلدى كوشەسىندەگى ۇلى وتان سوعىسى ارداگەرلەرىنىڭ قالالىق ەمحاناسىنىڭ عيماراتىن كۇردەلى جوندەۋگە جوبالاۋ-سمەتالىق قۇجاتتاما ازىرلەنۋدە. جوبا 2023 جىلدىڭ IIء-شى توقسانىندا دايىن بولادى (ساراپتاما 2023 جىلدىڭ 2ء-شى توقسانىندا شىعادى)»، - دەدى قالا اكىمى.
سونداي-اق، ەسكى عيماراتتى بۇزا وتىرىپ، ايتەكە بي كوشەسىندەگى ريەۆماتولوگيالىق ورتالىقتىڭ ورنىنا 500 كەلۋشىگە ارنالعان جاڭا ەمحانانىڭ جوبالاۋ-سمەتالىق قۇجاتتاماسىن ازىرلەۋ باستالدى. جوبالاۋ-سمەتالىق قۇجاتتاما 2023 جىلدىڭ IVء-شى توقسانىندا دايىن بولىپ، قۇرىلىسى 2024 جىلدىڭ كوكتەمىندە باستالادى.