ءاليا رۋحىنا تاعزىم

الماتىدا «ءونىپ تۇر ءبىر قىزىل گۇل تاستا ءتىرى» اتتى پاتريوتتىق ءىس-شارا ءوتتى. 

الماتىنىڭ الاتاۋ اۋدانىندا جەڭىستىڭ 80 جىلدىعى مەن كەڭەس وداعىنىڭ باتىرى ءاليا مولداعۇلوۆانىڭ 100 جىلدىعىنا ارنالعان تاعىلىمدى پاتريوتتىق شارا ءوتتى. «ارداگەرلەردى ارداقتايىق» جانە «كىتاپ – AMANAT» جوبالارى اياسىندا ۇيىمداستىرىلعان بۇل ءىس-شارادا ۇلت جادىسىن جاڭعىرتىپ، ۇرپاقتار ساباقتاستىعى ەرەكشە كورىنىس تاپتى.

شارانىڭ شوقتىعىن بيىكتەتكەن – ەسىمى اڭىزعا اينالعان باتىرمەن اتتاس «Amanat» پارتياسىنىڭ مۇشەلەرى. ءاليا ەسىمدى ارۋلار باتىر رۋحىن جالعاپ، ونىڭ ەرلىگى مەن ەسىمىنىڭ بۇگىنگى بۋىن ءۇشىن قانشالىقتى ماڭىزدى ەكەنىن جۇرەكجاردى سوزدەرمەن جەتكىزدى. ەرلىككە تاعزىم رەتىندە ولاردىڭ قاتارىن جاڭا ءاليا ەسىمدى مۇشەلەر تولىقتىردى. سالتاناتتى راسىمدە پارتيا قاتارىنا وتكەن ارۋلار ەلگە ادال قىزمەت ەتۋ، پاتريوتتىق قۇندىلىقتاردى ۇلىقتاۋ جونىندە ويلارىن ورتاعا سالىپ، باتىر ەسىمىن الىپ ءجۇرۋ – ابىروي عانا ەمەس، ۇلكەن رۋحاني جاۋاپكەرشىلىك ەكەنىن اتاپ ءوتتى.

– ءاليا – ءبىز ءۇشىن جاي عانا ەسىم ەمەس. بۇل – ەرلىك پەن ادالدىقتىڭ ماڭگىلىك سيمۆولى. وسىنداي قاسيەتتى ەسىمدى يەلەنۋ – تاعدىردىڭ تارتۋى عانا ەمەس، تاريحي امانات، – دەدى شاراعا قاتىسۋشىلار.

رەسمي بولىمنەن كەيىن قاتىسۋشىلار استانا الاڭىنداعى ءاليا مولداعۇلوۆا مەن مانشۇك مامەتوۆا ەسكەرتكىشىنە بارىپ، ەرلىكپەن قازا تاپقان قاھارمانداردىڭ رۋحىنا تاعزىم ەتىپ، گۇل شوقتارىن قويدى.

بۇل جيىن – باتىرلاردىڭ بيىك ونەگەسى مەن ەلگە دەگەن سۇيىسپەنشىلىكتىڭ كوركەم كورىنىسى رەتىندە جادىمىزدا ساقتالادى. «Amanat» پارتياسى ۇلتتىڭ رۋحاني تۇعىرىن نىعايتاتىن وسىنداي شارالاردى جالعاستىرا بەرمەك.