ءاليحان سمايىلوۆ ەكاتەرينبۋرگكە باردى

بۇگىن «ەكاتەرينبۋرگ-ەكسپو» كورمە ورتالىعىندا 12ء-شى يننوپروم كورمەسى باستالادى.

قازاقستان پرەمەر-مينيسترى ءاليحان سمايىلوۆ باستاعان قازاقستاندىق دەلەگاسيا ەكاتەرينبۋرگ قالاسىنا باردى، دەپ حابارلايدى Almaty-akshamy.kz ۇكىمەت باسشىسىنىڭ باسپا ءسوز قىزمەتىنە سىلتەمە جاساپ.

وندا دەلەگاسيا XII «يننوپروم» حالىقارالىق ونەركاسىپتىك كورمەسىنە قاتىسادى. سونداي-اق كورمە اياسىندا ءاليحان سمايىلوۆ رف ۇكىمەتىنىڭ ءتوراعاسى ميحايل ميشۋستينمەن كەلىسسوز جۇرگىزىپ، ءىرى رەسەيلىك كومپانيالاردىڭ باسشىلارىمەن كەزدەسەدى.

قازاقستان 2022 جىلى يننوپروم حالىقارالىق ونەركاسىپ كورمەسىنىڭ سەرىكتەس ەلى بولادى.

"يننوپروم" كورمەسىنىڭ ۇيىمداستىرۋ كوميتەتىنىڭ باسشىسى، رەسەيدىڭ يندۋستريا جانە ساۋدا ءمينيسترى دەنيس مانتۋروۆتىڭ ايتۋىنشا، وتكەن جىلى ەلدەر اراسىنداعى تاۋار اينالىمى 30 پايىزعا ارتقان.

«ءقازىر قازاقستاندا جۇمىس ىستەيتىن رەسەيلىك ينۆەستورلار قۇنى 36 ملرد دوللارعا جۋىقتايتىن جوبالارعا قاتىسۋدا. سونىمەن قاتار ماشينا جاساۋ، اتوم ەنەرگەتيكاسى، حيميا، مەتاللۋرگيا، تاۋ-كەن ونەركاسىبى جانە اقپاراتتىق تەحنولوگيالار سياقتى سالالارداعى ىنتىماقتاستىقتىڭ بولاشاعى زور ەكەنىن اتاپ ءوتۋ كەرەك. "يننوپروم – 2022" ساۋدا-ەكونوميكالىق قارىم-قاتىناسىمىزدىڭ دامۋى مەن نىعايۋىنا وڭ ىقپال ەتەدى»، - دەدى مينيستر دەنيس مانتۋروۆ.

ايتا كەتەيىك، 4-7 شىلدەدە «ەكاتەرينبۋرگ-ەكسپو» كورمە ورتالىعىندا 12ء-شى يننوپروم كورمەسى وتەدى.