ۇلىبريتانيادا كوروناۆيرۋس جۇقتىرعاندار سانى ءبىر اپتادا 32% ءوستى
ۇلىبريتانيادا كوروناۆيرۋسقا شالدىققاندار سانى ءالى دە ارتۋى مۇمكىن، دەپ حابارلايدى اlmaty-akshamy.kz قازاقپاراتقا سىلتەمە جاساپ.
ۇلىبريتانيانىڭ دەنساۋلىق ساقتاۋ قاۋىپسىزدىگى اگەنتتىگىنىڭ اتقارۋشى ديرەكتورى دجەنني حارريس ەلدە ءبىر اپتادا كوروناۆيرۋس جۇقتىرعاندار سانى 32 پايىزعا وسكەنىن ايتتى. وتكەن اپتادا ءقاۋىپتى ينفەكسياعا شالدىققاندار سانىنىڭ شامامەن 500 مىڭعا ارتۋى Omicron-نىڭ BA.4 جانە BA.5 دەپ اتالاتىن ەكى ءتۇرىنىڭ جىلدام تارالۋىنا بايلانىستى. 30 ماۋسىمدا انگليادا ۆيرۋس جۇقتىرىپ، اۋرۋحانادا توسەك تارتقاندار سانى شامامەن 9 مىڭ ادام بولعان. بۇل اي باسىنداعى كورسەتكىشتەن ەكى ەسە كوپ.
جالپى، انگليادا كوروناۆيرۋس انىقتالعان تۇرعىندار سانى 1 829 100 ادامعا جەتكەن. بۇل حالىقتىڭ 3،35%-ىن قۇراپ وتىر. ۋەلستە بۇل كورسەتكىش 106 مىڭ بولدى، بۇل حالىقتىڭ 3،49% نەمەسە شامامەن 30 ادامنىڭ ءبىرىن قۇرايدى. سولتۇستىك يرلانديادا تەست تاپسىرعانداردىڭ ىشىندەگى 71 مىڭ ادامنان ۆيرۋس انىقتالعان.