بۇگىن — قوعام جانە مەملەكەت قايراتكەرى، ۇلت-ازاتتىق جانە الاش قوزعالىسىنىڭ جەتەكشىسى، الاشوردا اۆتونوميالى ۇكىمەتىنىڭ ءتوراعاسى، پۋبليسيست، عالىم، اۋدارماشى ءاليحان نۇرمۇحامەد ۇلى بوكەيحاننىڭ تۋعان كۇنى. وسى ورايدا almaty-akshamy.kz سايتى ءاليحان بوكەيحاننىڭ ناقىل سوزدەرىن جاريالاپ وتىر. وقي وتىرىڭىزدار.
- اقىلعا ساڭىراۋلىق تا – ايىپ.
- جۇرت ءادىل بولماي، جۇرت ءىسى وڭعا باسپايدى.
- بوستاندىققا اپاراتىن جالعىز جول – ۇلتتىق ىنتىماق قانا.
- اقىلدى ءسوز قىلماق قيىن، اقىلدى ءسوزدى اقىلدى ءىس قىلماق ودان دا قيىن.
- بولعاننان – قاشپا، بولماعانعا – ساسپا.
- ۇلتىنا، جۇرتىنا قىزمەت ەتۋ – بىلىمنەن ەمەس، مىنەزدەن.
- كوزى سوقىردان، كوڭىلى سوقىر جامان.
- ەلدىڭ تۇرمىسىن، ءتىلىن، مىنەزىن بىلمەگەن كىسى كوش باسىن دا الىپ جۇرە المايدى.
- ناعىز تۇرىك زاتتى حالىق ءتىلى – ءبىزدىڭ قازاقتا.
- ەلدىڭ تۇرمىسىن، ءتىلىن، مىنەزىن بىلمەگەن كىسى كوش باسىندا الىپ جۇرە المايدى.
- تىرشىلىك – بايگە: جۇيرىك الار، شابان قالار.
- ەرىنشەك پەن ەزگە جول، بايگە، سىباعا، مۇشە جوق.
- ءوز كۇشىنە سەنبەگەن حالىق تا، ادام دا ەشقاشان ءومىر بايگەسىن الا المايدى.
- ءوزىڭ تۇيەدەن وتكەن جەتەكشىل بولساڭ، ساعان اقىل نە كەرەك؟
- بي ءتۇزۋ، بيلىك ءادىل بولسىن.
- ماقالانى قالام ءوزى تىلەگەندە جازسا، ءسوز كەستەلى بولادى.
- جەر دەسە دىرىلدەمەي بولمايدى: جەر ماسەلەسى – ءومىر ءسۇرۋ ماسەلەسىنىڭ زورى.
- مانساپقۇمار ەلى – كەمەلدىككە جەتپەگەن ەل.
- زاڭ ادام پايداسىنا جازىلادى، ادام زاڭ ءۇشىن تۋمايدى عوي.
- ەۋروپا مادەنيەتتىمىن دەپ ماقتانعانىمەن، مادەنيەتى ونەرىندە عانا، ال مىنەزى حايۋاندىق ساپارىنان قايتقان جوق.
- ادام قىزمەتىنە كىرىسپەي قازىنا تۋمايدى.
- حالىق ءىسىن ورنىن سالۋعا كوپ اقىل، كوپ قىزمەت، كوپ جىلعى شەبەر ىستەگەن ءادىس كەرەك.
- ادام بالاسى بىر-بىرىنە وكىمشى دە، قۇل دا بولعان.
- فرانسۋز، ورىس ءھام وزگە جۇرتتىڭ تاريحىنان كورىنەدى: مولدا ۇكىمەتتەي اقشا السا - ساتىلىپ كەتەدى. رۋحاني ءىس اياق استى بولادى. جالاقى العان مولدالار ۇكىمەتكە جەتەكشىل بولىپ، ەرىپ كەتەدى.
- ءبىزدىڭ قازاق جەردى مەنشىكتى قىلىپ السا - باشقۇرتشا كورىپ مۇجىققا ساتىپ، ءبىراز جىلدا سىپىرىلىپ جالاڭاش شىعا كەلەدى.
- ءبىزدىڭ قازاق ۇلتىنىڭ اۆتونومياسى جەرگە بايلاۋلى اۆتونوميا بولماق.
- ەۋروپادا حالىق پارتيا بولعاندا اداسپاس اق جول تابامىز دەپ، ادام اسپاس اسقار بەلدەن اسامىز دەپ، جۇرت ىلگەرى باساتىن ءىس قىلامىز دەپ تالاسادى.
- قازاق سايلاۋى - جۇرتقا كەلگەن ءبىر جۇت: سايلاۋ جىلى مال باعۋسىز، ەگىن سالۋسىز، پىشەن شابۋسىز قالادى.
- ءبىزدىڭ قازاق-قىرعىز ءدىن ءىسىن كوركەيتەتىن بولسا - ۇكىمەت ءىسىن ءبولىپ قويعان وڭ بولادى.
- ءبىزدىڭ جۇرت بوستاندىق، تەڭدىك، قۇرداستىق، ساياسات ءىسىن ۇعىنباسا، تاريح جولىندا تەزەك تەرىپ قالادى.
- بايلىق باسى كوپكە بايلاۋلى ەمەس - بازاردا اقشا بولاتىنعا بايلاۋلى.
- بايلىق ءتۇبى - اقىل ءھام قول ۇستالىعى. وسى ەكەۋى قوسىلماي ادام بالاسى قازىناعا جارىمايدى.
- دۇنيەدە نە بولسا دا بىرتە-بىرتە ازداپ ىلگەرى باسىپ بولادى.
- تالاس-تارتىس جوق بولسا - ءومىر اباقتىعا اينالار ەدى.
- جۇرت پايداسىنا تازا جولمەن تۋرا باستايتىن ەر تابىلسا - قازاق حالقى سوڭىنان ەرەر ەدى.
- ءار زامانانىڭ ءوز ءراسىمى، ءوز سالتى بار. ءبىزدىڭ زامانداعى سالت: اركىم قۇقىنا تالاسۋ، حۇقىنا تارتىسۋ بولادى. جىلاۋ سالتى ارتتا قالدى.
- بايلىقتى ونەرمەن، شارۋامەن، قىزمەتپەن ىزدەر بولار.
- جەر دەسە دىرىلدەمەي بولمايدى: جەر ماسەلەسى – ءومىر ءسۇرۋ ماسەلەسىنىڭ زورى.
- ءتىرى بولسام قازاققا قىزمەت قىلماي قويمايمىن