انكارادا قازاق سۋرەتشىسىنىڭ جەكە كورمەسى اشىلدى

8 ناۋرىز حالىقارالىق ايەلدەر مەرەكەسىنە وراي تۇركيا استاناسى انكارا قالاسىندا قازاقتىڭ سۋرەتشى قىزى زاميرا زەرەننىڭ جەكە كورمەسى ۇيىمداستىرىلدى.

سۇلۋلىق سيقىرى» كورمەسىنە سۋرەتشىنىڭ كەنەپ پەن قاعازعا ءتۇرلى تەحنيكامەن سالعان ەڭبەكتەرى قويىلعان، دەپ حابارلايدى اlmaty-akshamy.kz. بۇعان دەيىن الەمنىڭ ءبىرقاتار ەلدەرىندە جەكە كورمەسىن وتكىزگەن قىلقالام شەبەرىنىڭ شىعارماشىلىعىنداعى نەگىزگى كەيىپكەرلەر - قازاق ايەلدەرى. تۇركياداعى قازاقستان ەلشىلىگىنىڭ قولداۋىمەن كورمەنى «كوك تۋ» قازاق مادەني بىرلەستىگى مەن «گوك ياي» قورى بىرلەسە ۇيىمداستىرعان. ونەرسۇيەر قاۋىم ءۇشىن كورمە 8 ناۋرىزعا دەيىن اشىق بولادى.

زاميرا زەرەن، سۋرەتشى:

بالا كۇننەن باستاپ سۋرەت سالامىن. سۋرەت ونەرىنىڭ نەگىزى - قارا قالاممەن باستادىم. كەيىن مايلى بوياۋمەن جالعاستىردىم. ايەلدى سۋرەتتەۋ مەنىڭ جانىما جاقىن. ءارتۇرلى حالىقارالىق كورمەلەرگە قاتىسىپ كەلەمىن.

ناجي حافازا، كورەرمەن:

بۇگىن وتە ەرەكشە كورمەگە كەلىپ تۇرمىن. بىرىنەن ءبىرى وتكەن، ءارقايسىنىڭ ماعىناسى تەرەڭ ەڭبەكتەرمەن تانىستىم. مايلى، سۋلى بوياۋلارمەن كەرەمەت سۋرەتتەر سالىنعان ەكەن.