2023 جىلى الەۋمەتتىك سالاعا 8 ترلن تەڭگە كولەمىندە قاراجات جوسپارلانىپ وتىر.
2023-2025 جىلدارى رەسپۋبليكالىق بيۋدجەتتىڭ نەگىزگى ۇلەسى الەۋمەتتىك سالاعا باعىتتالادى. بۇل تۋرالى ق ر پرەمەر-مينيسترىنىڭ ورىنباسارى – قارجى ءمينيسترى ەرۇلان جاماۋبايەۆ ۇكىمەت وتىرىسىندا ايتتى، دەپ حابارلايدى اlmaty-akshamy.kz قازاقپاراتقا سىلتەمە جاساپ.
«بيۋدجەت شىعىستارىنىڭ قۇرىلىمىن قارايتىن بولساق، ونىڭ نەگىزگى ۇلەسى الەۋمەتتىك سالاعا كەلەدى. 2023 جىلى الەۋمەتتىك سالاعا 8 ترلن تەڭگە كولەمىندە قاراجات جوسپارلاندى. شىعىستار زەينەتاقى مەن جاردەماقى تولەۋگە، ءبىلىم بەرۋ، دەنساۋلىق ساقتاۋ سالالارىن، مادەنيەت جانە سپورتتى دامىتۋعا، جاستاردى ىنتالاندىرۋعا باعىتتالاتىن بولادى»، - دەدى ەرۇلان جاماۋبايەۆ.
ءمينيستردىڭ ايتۋىنشا، ەكونوميكانىڭ ناقتى سەكتورىن دامىتۋدى قولداۋعا 2023 جىلعا 2،1 ترلن تەڭگە كوزدەلدى.
«اتالعان باعىتتىڭ باسىمدىقتارى – وڭدەۋ ونەركاسىبىن دامىتۋ، ايماقتاردا ينفراقۇرىلىمدىق جوبالاردى ىسكە اسىرۋدى جالعاستىرۋ؛ كاسىپكەرلىكتى، كىشى جانە ورتا بيزنەستى دامىتۋ جانە قولداۋ، كولىك جانە گاز تاسىمالداۋ جۇيەسىن دامىتۋ بولىپ وتىر»، - دەيدى قارجى ءمينيسترى.