27 تامىز كۇنى تاڭعى 07:18 شاماسىندا تۇركىستان وبلىسىندا وزبەكستاننان قىرعىزستانعا بارا جاتقان اۆتوبۋس اپاتقا ۇشىرادى، دەپ حابارلايدى اlmaty-akshamy.kz ق ر ىشكى ىستەر مينيسترىگىنىڭ رەسمي سايتىنا سىلتەمە جاساپ.
وقيعا ورنىنا جەتكەن پوليسەيلەر شاقپاق اۋىلىنىڭ ماڭىندا 601 شاقىرىم جەردەگى جول قيىلىسىندا اۆتوبۋس جۇرگىزۋشىسىنىڭ قالعىپ كەتۋى سالدارىنان رۋلگە يە بولا الماي، جول شەتىندەگى ويپاڭ جەرگە ءتۇسىپ كەتكەنىن انىقتادى.
تەكسەرۋ بارىسىندا اۆتوبۋستىڭ وزبەكستاننان قىرعىزستانعا بارا جاتقانى جانە ىشىندە شەتەل ازاماتتارى بار ەكەنى بەلگىلى بولدى. جول-كولىك وقيعاسىنىڭ ناتيجەسىندە جاراقات العان شامامەن 12 ادام جاقىن ماڭداعى اۋرۋحاناعا قارالدى. قايتىس بولعاندار جوق.
قازىرگى ۋاقىتتا اتالعان جايت ق ر قك-نىڭ 345-بابى 2-بولىگىمەن تىركەلىپ، وقيعانىڭ بارلىق ءمان-جايى انىقتالۋدا. ساراپتامالار تاعايىندالدى.
وقيعا ورنىندا تۇلكىباس اپب انىقتاۋشىلارى جۇمىس ىستەۋدە.